,
ოზურგეთში, ,,ქართული ოცნების" ახალგაზრდული ორგანიზაციის და ,,პატრიოტთა ალიანსის" წევრებმა პარტიები დატოვეს.
ისინი „სახალხო პარტიას" შეუერთდებიან.
„დავტოვეთ ,,ქართული ოცნების“ ოფისი და გადავედით „სახალხო პარტიაში“, მხარს ვუჭერთ სოსო გოგაშვილს, მის გუნდს და ვუერთდებით მათ. ჩვენი პოლიტიკური შესაძლებლობები გავაცანით ერთმანეთს. მოსაზრება იყო, რომ დაგვეტოვებინა მმართველი პარტიის ოფისი“, - განაცხადა „ქართული ოცნების“ ოზურგეთის ახალგაზრდული ორგანიზაციის ყოფილმა წევრმა გიორგი კობალაძემ.
„ქართულ ოცნების“ ადგილობრივ ორგანიზაციაში აღნიშნულ საკითხთან დაკავშირებით კომენტარს არ აკეთებენ.
ირანის საგარეო საქმეთა სამინისტრო აშშ-ის ძალების მიერ ირანული სატვირთო გემის, Touska-ს დაკავებას გმობს და აშშ-ს გემის, მისი მეზღვაურების, ეკიპაჟის წევრებისა და მათი ოჯახების დაუყოვნებლივ გათავისუფლებისკენ მოუწოდებს, - ინფორმაციას CNN-ი ავრცელებს.
„ეჭვგარეშეა, რომ ირანის ისლამური რესპუბლიკა გამოიყენებს ყველა შესაძლებლობას ირანის ეროვნული ინტერესებისა და უსაფრთხოების დასაცავად და მოქალაქეების უფლებებისა და ღირსების დასაცავად“, - ნათქვამია უწყების განცხადებაში.
„ასევე ნათელია, რომ რეგიონში შემდგომი ესკალაციის სრული პასუხისმგებლობა შეერთებულ შტატებს ეკისრება“.
ირანის საგარეო საქმეთა სამინისტროს განცხადებით, რეგიონში შემდგომ ესკალაციაზე სრული პასუხისმგებლობა შეერთებულ შტატებს ეკისრება.
ცნობისთვის, აშშ-ის პრეზიდენტმა დონალდ ტრამპმა განაცხადა, რომ კვირას აშშ-ის საზღვაო ძალებმა ცეცხლი გაუხსნეს და დააკავეს ირანის დროშის ქვეშ მცურავი გემი მას შემდეგ, რაც მან ომანის ყურეში აშშ-ის საზღვაო ბლოკადის დარღვევა სცადა.
