ამერიკულმა Forbes-მა მსოფლიოს უმდიდრესი მეწარმეების უახლესი რეიტინგი გამოაქვეყნა, რომელიც მსოფლიოს 190-მდე ქვეყნის 2,500 მილიარდერს აერთიანებს.

2023 წლის რეიტინგის სათავეში მოდის ბერნარ არნოა, რომლის ქონების შეფასება 211 მილიარდ დოლარს შეადგენს. არნო უმსხვილესი კონგლომერატის, LVMH-ის დამფუძნებელი და ხელმძღვანელია, რომელიც 100-მდე ცნობილ ბრენდს აერთიანებს.

Forbes-ის რეიტინგში მეორე ადგილს ილონ მასკი იკავებს. Tesla-ს, SpaceX-ისა და Twitter-ის ხელმძღვანელს დაახლოებით 180 მილიარდი დოლარის ქონება აქვს.

მესამე ადგილს ელექტრონული კომერციის გიგანტის, Amazon-ის დამფუძნებელი, ჯეფ ბეზოსი იკავებს. მისი ქონების შეფასება 114 მილიარდ დოლარს შეადგენს.

როგორც ტრადიციულად, 2023 წელსაც გლობალურ რეიტინგში ძირითადად ტექნოლოგიური ინდუსტრიის წარმომადგენლები დომინირებენ.

გთავაზობთ მსოფლიოს უმდიდრესი ადამიანების ტოპ ათეულს:


1. ბერნარ არნო - $211 მლრდ | LVMH

2. ილონ მასკი - $180 მლრდ | Tesla

3. ჯეფ ბეზოსი - $114 მლრდ | Amazon

4. ლარი ელისონი - $107 მლრდ | Oracle

5. უორენ ბაფეტი - $106 მლრდ | Berkshire Hathaway

6. ბილ გეიტსი - $104 მლრდ | Microsoft

7. მაიკლ ბლუმბერგი - $94.5 მლრდ | Bloomberg

8. კარლოს სლიმი - $93 მლრდ | América Móvil

9. მუკეშ ამბანი - $83.4 მლრდ | Reliance Industries

10. სტივ ბალმერი - $80.7 მლრდ | Microsoft

ბიძინა ივანიშვილის ქონება 4.9 მილიარდ დოლარს შეადგენს და ის ამ სიაში545-ე ადგილზეა.

გამოცემის შეფასებით, ქართველი მილიარდელის  ბიძინა ივანიშვილის ქონება 4.9 მილიარდ დოლარს შეადგენს, რაც წინა წელთან შედარებით 100 მილიონი დოლარით მეტია.

2020; 2021 და 2022 წლებში Forbes-ი ივანიშვილის ქონებას 4.8 მილიარდ დოლარად აფასებდა, იქამდე კი 2019 წელს ეს შეფასება 4.9 მილიარდზე იყო. ამ მაჩვენებლით ბიძინა ივანიშვილი მსოფლიოს 545-ე უმდიდრესი ადამიანია.

ბიძინა ივანიშვილის ქონების ცვლილება Forbes-ის მიხედვით წლების მიხედვით ასე ნაწილდებოდა:

2014 - $5.2 მილიარდი;

2015 - $5.2 მილიარდი;

2016 - $4.8 მილიარდი;

2017 - $4.5 მილიარდი;

2018 - $4.6 მილიარდი;

2019 - $4.9 მილიარდი;

2020 - $4.8 მილიარდი;

2021 - $4.8 მილიარდი;

2022 - $4.8 მილიარდი;

2023 - $4.9 მილიარდი.

ივანიშვილის ქონებაზე განსხვავებულია Bloomberg-ის შეფასება, რომელიც ყოველთვის ამ მიმართულებით უფრო გულუხვი იყო და ამჟამად ქართველი ოლიგარქის ქონებას 5.95 მილიარდ დოლარად აფასებს.

მეორე ქართველი მილიარდერი მიხეილ ლომთაძე $1.8 მილიარდით გამდიდრდა - Forbes-ის სიაში დაწინაურდა და ის ამ შედეგით მსოფლიოს 778-ე უმდიდრესი ადამიანია

ბიძინა ივანიშვილის გარდა Forbes-ის სიაში კიდევ ერთი ქართველი მილიარდერი - მიხეილ ლომთაძეცაა, რომლის ქონებაც 3.6 მილიარდად არის შეფასებული. ის ამ შედეგით მსოფლიოს 778-ე უმდიდრესი ადამიანია. ლომთაძის ქონება წინა წელთან შედარებით 1.8 მილიარდი დოლარით არის გაზრდილი, რაც ყაზახურ ბანკის Kaspi-ის აქციების ზრდით არის განპირობებული. ლომთაძე ამჟამად Kaspi-ის CEO-ს პოსტს იკავებს.

ყაზახური ბანკის, Kaspi-ის CEO-ს მიხეილ ლომთაძის ქონება 1.8 მილიარდი დოლარით გაიზარდა და ის 2023 წლისთვის 3.6 მილიარდ დოლარს შეადგენს. ლომთაძის ქონების მატება ლონდონის საფონდო ბირჟაზე Kaspi-ს აქციების მატებას უკავშირდება, რაც გასულ წელს უკრაინის ომიდან გამომდინარე იყო შემცირებული. მიხეილ ლომთაძე ამჟამად მსოფლიოს 774-ე უმდიდრესი ადამიანია.

ლომთაძე ბანკის დამფუძნებელთან, ვიაჩესლავ კიმთან ერთად Kaspi-ს ძირითადი პარტნიორია და მას ბანკის 25% ეკუთვნის. ანალოგიურად, ვიაჩესლავ კიმის ქონებაც Forbes-ის მიერ 3.6 მილიარდ დოლარად არის შეფასებული. ლომთაძე Forbes-ის სიაში 2021 წელს, ლონდონის ბირჟაზე Kaspi-ის IPO-ს შემდეგ მოხვდა.