USD 3.0967
EUR 3.4931
RUB 4.1048
თბილისი
Forbes 30 Under 30
თარიღი : 08.05.2021 19:18  444

ნუცი ბაზლიძე

Forbes Georgia-ს მესამე ყოველწლიურ 30 30-წლამდელთა რეიტინგში თავმოყრილი ახალგაზრდები გვევლინებიან მყარ მტკიცებულებად, რომ ამბიციასა და ინოვაციას კარანტინში ვერ მოათავსებ.

ზოგი მიდის დინების საწინააღმდეგოდ და კოვიდ-19-ის პირობებში ბიზნესებს ქმნის, ზოგს დაავადებასთან ბრძოლაში შეაქვს წვლილი. სწორედ ამ სულისკვეთების მხარდასაჭერად არსებობს 30 under 30 – პროექტი, რომელიც მიზნად ისახავს იმ ახალგაზრდების აღმოჩენას, რომლებმაც წარმატებას 30 წლამდე ასაკში მიაღწიეს. სიის წევრი ახალგაზრდები თავიანთი ძალისხმევით და ენთუზიაზმით წარმატებას აღწევენ და ჩვენი მომავლის ამინდს ქმნიან.

ჩვენ ეტაპობრივად თითოეულ მათგანს გაგაცნობთ.

კულტურა და სტილი

ნინი ჭანტურია
ასაკი: 28

ლუკა ჩაგანავა
ასაკი: 29

დამფუძნებლები • NS STUDIO

ლუკა ჩაგანავა და ნინი ჭანტურია საერთო საქმეს უკვე მერვე წელია, უძღვებიან; 2013 წელს დააფუძნეს არქიტექტურისა და დიზაინის სტუდია NS STUDIO.

კომპანია, რომელმაც ფუნქციონირება ორი ადამიანის საერთო იდეით დაიწყო, ჯამში23 თანამშრომელს აერთიანებს. ეტაპობრივად გაიზარდა პროექტების მასშტაბიც.

ლუკა და ნინი ინტერესებისა და გემოვნების თანხვდენით მუშაობას განაგრძობენ, გეზი კი ქვეყანაში არქიტექტურის დარგის განვითარებისკენ აქვთ აღებული.

„ვცდილობთ, ყველა კომპონენტი, რასაც არქიტექტურა მოიცავს, გაუმჯობესდეს – ჩვენი მიზანია, ახალი ეტაპი დავნერგოთ ქართულ რეალობაში“, – ლუკა ჩაგანავა.

„ყველა პროექტით ეტაპობრივად რაღაცას ვსწავლობდით“, – ნინი ჭანტურია.

ჟიური: ლევან ლომინაძე, სოფო ჭყონია, ირინა პოპიაშვილი

ანტრეპრენიორები და მეწარმეები

სანდრო კანდელაკი
ასაკი: 27

თანადამფუძნებელი • covider.ge

პლატფორმა Covider-ი, რომელიც სანდრო კანდელაკის ჩართულობით დაფუძნდა, ერთგვარი ასისტენტის ფუნქციას ითავსებს კოვიდ-19-თან დაკავშირებულ საკითხებზე ადამიანების დაკვალიანებისთვის. შემდგომ ეტაპზე კი პლატფორმის პირველადი ჯანდაცვის საკითხებზე ადაპტირებაც მოიაზრება.

სანდრო კანდელაკი ჩართული იყო როგორც სტარტაპების დაფუძნებაში, ასევე ზოგადად, საქართველოს სტარტაპეკოსისტემის განვითარების პროცესში. აღსანიშნავია, რომ ის ბიზნესაქსელერატორ „სპარკის“ მენეჯერი იყო.

„ყოველთვის ვსწავლობ რაღაც ახალს, რაც მეხმარება, რომ გამოწვევებს ადეკვატურად ვუპასუხო“.

ჟიური: ნიკოლოზ გოგოჭური, მარიამ რუსიშვილი, მიხეილ ხიდურელი, რევაზ ვაშაკიძე, ნინო ზამბახიძე

მედია და მარკეტინგი

ნუკა შევარდნაძე
ასაკი: 29

ბრენდის, მარკეტინგისა და მომხმარებელზე ზრუნვის გუნდის ხელმძღვანელი • „სფეისი“

ნუკა შევარდნაძე „თიბისის“ გუნდს დაახლოებით ოთხი წლის წინ შეუერთდა. მისი სამუშაო ახალგაზრდულ პროდუქტებსა და სეგმენტს უკავშირდებოდა, „სფეისში“ კი დაფუძნების პერიოდიდანვე ჩაერთო და ნუკას პასუხისმგებლობის არეალიც ეტაპობრივად გაიზარდა. მას უკვე მარკეტინგის, ბრენდისა და მომხმარებელზე ზრუნვის მიმართულებები ეხება.

„ყველაფერს ვაკეთებ ადამიანებთან ერთად და ადამიანებისთვის“.

ჟიური: მაია მირიჯანაშვილი, შოთა დიღმელაშვილი, გიორგი ისაკაძე

მეცნიერება

თინათინ ახვლედიანი
ასაკი: 29

მკვლევარი • CEPS

თინათინ ახვლედიანი ევროპული პოლიტიკის კვლევის ცენტრის მკვლევარია.

7-წლიანი გამოცდილების მქონე ახალგაზრდა მეცნიერის ჩართულობით განხორციელებული პროექტები ძირითადად ევროინსტიტუტებს უკავშირდება.

გარდა ამისა, თინათინი ვარშავის უნივერსიტეტში მეორეკურსელ მაგისტრანტებს ასწავლის. უნივერსიტეტი და ევროპული პოლიტიკის კვლევის ცენტრი კი მისთვის, სამუშაო თვალსაზრისით, ერთიან ასპარეზს ქმნის.

„მინდა, რასაც ვაკეთებ, მეტად გამოადგეს საქართველოს.“

ჟიური: ნანა დიხამინჯია, სოსო ბერიკაშვილი, რატი ღოლიჯაშვილი

სპორტი

მერი არაბიძე
ასაკი: 27

მოჭადრაკე

მერი არაბიძე უკვე 21 წელია, რაც ჭადრაკს თამაშობს. პროფესიული თვალსაზრისით, მას პაექრობა უწევს როგორც ქალების, ისე მამაკაცების წინააღმდეგ.

წარმატებისკენ მიმავალ გზაზე კი მის სახელს შთამბეჭდავი მიღწევები – მედლები და წოდებები დაუკავშირდა, ერთ-ერთი მათგანია ქალთა შორის საერთაშორისო დიდოსტატისა და მამაკაცთა შორის საერთაშორისო ოსტატის წოდება.

„წარმატების მისაღწევად ჩემთვის რეჟიმის დაცვაა მნიშვნელოვანი.“

ჟიური: ზაზა ფაჩულია, ირმა ხეცურიანი

ტექნოლოგიები

ნიკა აბაშიძე
ასაკი: 29

დამფუძნებელი და მმართველი დირექტორი • Caru

ნიკა აბაშიძე ბიზნესში მის მთავარ მიდგომას ასე ხსნის – ხედავს პრობლემას, რომელსაც მიჰყვება ძირეულ საკითხამდე; აწყობს ახალ პროცესს იმავე, ან უკეთესი შედეგის მისაღებად.

სწორედ ამ პრინციპზე აეგო Caru-ც – ავტომობილების შეკეთების ინოვაციური პლატფორმა, რომელიც მომხმარებლებს აღნიშნული პროცესის განსხვავებულ მექანიზმს სთავაზობს. „ავტოსერვისის Airbnb“ – ასე უწოდებს Caru-ს მისი დამფუძნებელი.

„ჩემი მუშაობის პრინციპია არსებული პრობლემების მოგვარების ტექნოლოგიურ დონეზე გადაყვანა“.

ჟიური: ავთანდილ კასრაძე, რუსუდან ქურდოვანიძე, ვახტანგ ცაბაძე, დავით ხოსროშვილი

წყარო:forbes.ge

ბიზნესი
ვირების ფერმა „სახედარი"- მოთხოვნა გაიზარდა, ექიმები პირდაპირ უნიშნავენ პაციენტებს ვირის რძეს

ბოლო პერიოდში საქართველოში ვირის რძეზე მოთხოვნა 40%-ით გაიზარდა, - საკითხზე ვირების ფერმა „სახედარის“ დამფუძნებელმა და ხელმძღვანელმა, თემურ ლომიძემ BM.GE-სთან ისაუბრა.

მისი თქმით, რეალიზაციის გაზრდილი მაჩვენებლების პარალელურად, კომპანიის ფინანსური მაჩვენებლებიც შეიცვალა და „სახედარი“ დღეს არსებული ხარჯის გასტუმრებას არსებული შემოსავლებით ახერხებს.

რაც შეეხება წარმოებას, როგორც თემურ ლომიძემ განმარტა, ფერმაში საშუალოდ, თვში 130 ლიტრი რძე იწარმოება.

“გასული წლის ანალოგიურ პერიოდთან შედარებით მოთხოვნა დაახლოებით 40%-ით გაიზარდა. მიუხედავად ამისა, 1 ლიტრი რძის ფასი არ გაგვიზრდია, რადგან არ გვინდა ადგილობრივებისთვის ეს მიუწვდომელი პროდუქტი იყოს. მოთხოვნისა და რეალიზაციის ზრდის შესაბამისად, კომპანია დღეს არსებული შემოსავლით ხარჯების დაფარვას ახერხებს. ჯერ მოგებაზე არ გავსულვართ, თუმცა ფინანსური მაჩვენებლები მნიშვნელოვნად გაგვიუმჯობესდა“, - აცხადებს თემურ ლომიძე და დასძენს, რომ საქართველოში ვირის რძის ცნობადობა მნიშვნელოვნად გაიზარდა.

„პანდემიის პერიოდში ქვეყანაში ვირის რძის პროდუქტის ცნობადობა მნიშვნელოვნად გაიზარდა და შესაბამისად, გაიზარდა მოთხოვნაც. ძალიან ბევრი ექიმი პაციენტებს ვირის რძეს, მისი სასარგებლო თვისებებიდან გამომდინარე, პოსტ-კოვიდურ პერიოდში პირდაპირ უნიშნავს“, - განაცხადა მან.

ვირების ფერმა „სახედარი“ ადგილობრივი ბაზრის გარდა, ვირის რძეს და მისგან ნაწარმოებ რძის ფხვნილს, ასევე კოსმეტიკურ პროდუქტებს - ტუჩსაცხს, სახის საცხსა და საპონს აშშ-ში ყიდის და მომავალში საექსპორტო ბაზრების გაფართოებაზეც მუშაობს.

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.