,
თბილისში, მარტში 3,064 საცხოვრებელი ბინა გაიყიდა. წლიურად ტრანზაქციების რაოდენობა მცირედ - 1.5%-ით შემცირდა.
Colliers Georgia-ს მიერ განახლებული საცხოვრებელი უძრავი ქონების ბაზრის მიმოხილვის მიხედვით, თბილისში ბაზრის ზომა 16.7%-ით, 243 მილიონ აშშ დოლარამდეა გაზრდილი. ამასთან, ტრანზაქციების ჯამური მაჩვენებელი ძირითადად, ძველ პროექტებში ბინების გაყიდვების შემცირებამ განაპირობა.
Recov.ge-ზე გამოქვეყნებული მარტის მონაცემებით, ახალ პროექტებში ტრანზაქციების 4.2%-იანი ზრდა ფიქსირდება, ტრანზაქციების რაოდენობა გაზრდილია, როგორც პირველად, ასევე, მეორეულ ბაზარზე.
„გასათვალისწინებელია, რომ ახალ კორპუსებში პირველად ბაზარზე ტრანზაქციების ნაწილს დეველოპერები გვიან არეგისტრირებენ, რაც ართულებს პირველადი ბაზრის ზუსტი სურათის აღქმას.
ძველ პროექტებში ნარჩუნდება კლების ტენდენცია - 2024 წლის მარტთან შედარებით მაჩვენებელი 15.5%-ით არის შემცირებული“, - აღნიშნავენ მიმოხილვის ავტორები.
რაც შეეხება ბინების გასაყიდ ფასს, მარტში თბილისში ძველი ბინების საშუალო შეწონილი გასაყიდი ფასი 2024 წლის მარტთან შედარებით ფართო ცენტრში 11.6%-ით გაიზარდა, გარეუბანში - 10.2%-ით, ხოლო ქალაქის ცენტრში სულ რაღაც 0.5%-იანი ზრდა დაფიქსირდა.
ამასთან, ახალაშენებული ბინების საშუალო შეწონილი გასაყიდი ფასი 2024 წლის მარტთან შედარებით ფართო ცენტრში 27.7%-ით გაიზარდა, ქალაქის ცენტრში 21%-იანი ზრდა დაფიქსირდა, ხოლო გარეუბანში საშუალო შეწონილმა ფასმა 7.3%-ით მოიმატა. ახალაშენებული ბინების მეორეულ ბაზარზე კი საშუალო შეწონილი ფასი ქალაქის მასშტაბით 11.6%-ით გაიზარდა.
„ამხელა ზრდის განმაპირობებელი ძირითადად პირველადი ბაზარია, სადაც ტრანზაქციები გვიან რეგისტრირდება, რის გამოც ფასების ზრდის ტრენდი არ ასახავს რეალობას“, - განმარტავენ Colliers Georgia-ში.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
