,
ოკუპირებული აფხაზეთის საზოგადოებრივი პალატის წევრებმა მხარი დაუჭირეს „სამოქალაქო მდგომარეობის აქტების შესახებ“ კანონში ე.წ. ცვლილებებს, რომელიც „აფხაზური ეროვნების აღდგენის“ უფლებას ითვალისწინებს.
ოკუპირებული რეგიონის დე ფაქტო სტრუქტურა აცხადებს, რომ ამ ცვლილებების მიღება „დიდი ხნის დაგვიანებულია“.
„აფხაზეთის რესპუბლიკის საზოგადოებრივი პალატის წევრები დარწმუნებულნი არიან, რომ ეს საკანონმდებლო აქტი გახდება სტიმული ისტორიული სამართლიანობის აღდგენისა და შესაძლებლობას მისცემს აფხაზეთის რესპუბლიკის ტერიტორიაზე მუდმივად მცხოვრებ პირებს, რომლებიც არიან ეთნიკურად აფხაზები და იმ პირთა პირდაპირი შთამომავლები, რომლებმაც XIX–XX საუკუნეების ტრაგიკული მოვლენების შედეგად დაკარგეს აფხაზური ეროვნება, აფხაზური ეროვნება და გვარი აღიდგინონ“, - აღნიშნულია ე.წ. საზოგადოებრივი პალატის განცხადებაში.
შეგახსენებთ, რომ ე.წ „კანონი“ აფხაზეთის დე ფაქტო „პარლამენტმა“ 7 დეკემბერს მიიღო. კანონში შეტანილი ცვლილებების წინააღმდეგი იყო სამოქალაქო სექტორის ნაწილი და ოკუპირებული რეგიონის „ოპოზიცია“. ე.წ. „ოპოზიცია“ ცვლილებებს ოკუპირებული რეგიონის „დამოუკიდებლობისთვის“ საზიანოდ მიიჩნევს, რადგან თვლის, რომ ეს გალის რაიონის მცხოვრებლებს საშუალებას მისცემს, ე.წ. „აფხაზეთის მოქალაქეობა“ მასობრივად მიიღონ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
