,
ნინო გიუნაშვილის ოჯახი საფრანგეთში საცხოვრებლად 2005 წელს გადავიდა. ნინომ 12 წლის ასაკში დაიწყო სწავლა ფრანგულ კოლეჯში, ქალაქ რეიმსში. იურიდიული მიმართულებით ბაკალავრიატის დასრულების შემდეგ საჯარო სამართლის მაგისტრი გახდა.
დღეს ის ოფიცრის წოდებით წარმატებით აგრძელებს სწავლას საფრანგეთის ჟანდარმერიის ეროვნულ სკოლაში. ამ ნაბიჯით საშუალება მიეცა ჩამდგარიყო ქვეყნის სამსახურში და გამოეხატა მადლიერება საფრანგეთისთვის.
ნინო გიუნაშვილმა, როგორც წარმატებულმა ოფიცერმა, 14 ივლისს მონაწილეობა მიიღო კონკორდის მოედანზე ბასტილიის დღისადმი მიძღვნილ საზეიმო ღონისძიებაში.
წყარო:https://www.facebook.com/speechmedia/
ირანის საგარეო საქმეთა სამინისტრო აშშ-ის ძალების მიერ ირანული სატვირთო გემის, Touska-ს დაკავებას გმობს და აშშ-ს გემის, მისი მეზღვაურების, ეკიპაჟის წევრებისა და მათი ოჯახების დაუყოვნებლივ გათავისუფლებისკენ მოუწოდებს, - ინფორმაციას CNN-ი ავრცელებს.
„ეჭვგარეშეა, რომ ირანის ისლამური რესპუბლიკა გამოიყენებს ყველა შესაძლებლობას ირანის ეროვნული ინტერესებისა და უსაფრთხოების დასაცავად და მოქალაქეების უფლებებისა და ღირსების დასაცავად“, - ნათქვამია უწყების განცხადებაში.
„ასევე ნათელია, რომ რეგიონში შემდგომი ესკალაციის სრული პასუხისმგებლობა შეერთებულ შტატებს ეკისრება“.
ირანის საგარეო საქმეთა სამინისტროს განცხადებით, რეგიონში შემდგომ ესკალაციაზე სრული პასუხისმგებლობა შეერთებულ შტატებს ეკისრება.
ცნობისთვის, აშშ-ის პრეზიდენტმა დონალდ ტრამპმა განაცხადა, რომ კვირას აშშ-ის საზღვაო ძალებმა ცეცხლი გაუხსნეს და დააკავეს ირანის დროშის ქვეშ მცურავი გემი მას შემდეგ, რაც მან ომანის ყურეში აშშ-ის საზღვაო ბლოკადის დარღვევა სცადა.
