ისნის რაიონის გამგეობამ, ნავთლუღში, აბუსერიძე-ტბელის ქუჩასა და ბერი გაბრიელ სალოსის VI შესახ. კორპ. N7-ის მიმდებარედ, ორი მცირე ზომის გასართობი და დასასვენებელი სივრცე მოაწყო.
სამუშაოების შედეგად, 1245 კვ.მ. ფართობზე დაიდგა საბავშვო ატრაქციონები, საბაღე სკამები და ურნები, ასევე, მოეწყო ახალი ლედ განათება და გამწვანება.
პროექტები გამგეობის ბიუჯეტიდან 498 748 ლარი დაფინანსდა.
ადგილობრივ მოსახლეობას ისნის რაიონის გამგებლის მოადგილე დავით ხაბეიშვილი, პარლამენტის მაჟორიტარ დეპუტატ ნიკა ელისაშვილთან და საკრებულოს მაჟორიტარ დეპუტატ კახა ლაბუჩიძესთან ერთად შეხვდა და დასრულებული სამუშაოები დაათვალიერა.
