დავით იოსელიანის N2 საცხოვრებელი კორპუსის კიბეს სარეაბილიტაციო სამუშაოები ჩაუტარდა
ნაძალადევის რაიონში კორპუსების კეთილმოწყობის სამუშაოები გრძელდება.
,,ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ლოტკინის დასახლებაში, დავით იოსელიანის N2 საცხოვრებელი კორპუსის კიბეს სარეაბილიტაციო სამუშაოები ჩაუტარდა. ორ სადარბაზოიანი 9-სართულიანი კორპუსის უჯრედებსა და კიბეებზე ლითონის უსაფრთხოების მოაჯირები დამონტაჟდა.
აღნიშნულ მისამართზე ცოტა ხნის წინ, წყალარინების ცენტრალური ქსელი შეიცვალა.
პროექტი ნაძალადევის რაიონის გამგეობის დაფინანსებით განხორციელდა, რისთვისაც ბიუჯეტიდან 52 723 ლარი გამოიყო.
