ზღვისუბნის მე-11 მიკრორაიონის, პირველი კვარტლის N22 საცხოვრებელ კორპუსში წყალარინების ქსელი იცვლება
,,ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ზღვისუბნის მე-11 მიკრორაიონში, პირველი კვარტლის N22 საცხოვრებელ კორპუსში წყალარინების გარე და შიდა ქსელი იცვლება. საერთო ჯამში, განახლდება 380 გრძივი მეტრი გაყვანილობა. ასევე, მონტაჟდება ექვსი საკანალიზაციო ჭა.
აღნიშნულ მისამართზე მიწისქვეშა კომუნიკაციების შეცვლის შემდეგ, გამგეობის ინფრასტრუქტურის განყოფილება ასფალტის საფარს დააგებს.
პროექტის განსახორციელებლად ნაძალადევის რაიონის გამგეობის ბიუჯეტში 67 800 ლარია გათვალისწინებული.
