ენისელის ქუჩაზე ასფალტის ორფენიანი საფარი დაიგო.
ნაძალადევის რაიონში საგზაო ინფრასტრუქტურული სამუშაოები აქტიურად მიმდინარეობს.
ლოტკინის დასახლებაში, ენისელის ქუჩაზე 1 500 კვ.მ ფართობზე ორფენიანი ასფალტის საფარი დაიგო. მოწესრიგდა ეზო და მოეწყო ბორდიურები, ასევე, ჩაისხა 190 გრძივი მეტრი გზის დამჭერი საყრდენი კედელი.
შესრულებული სამუშაოები ნაძალადევის რაიონის გამგებელმა ირაკლი ანდღულაძემ და საკრებულოს მაჟორიტარმა დეპუტატმა ირაკლი ხელაძემ ადგილობრივ მოსახლეობასთან ერთად დაათვალიერეს.
პროექტი ნაძალადევის რაიონის გამგეობის დაფინანსებით განხორციელდა, რისთვისაც ბიუჯეტიდან, ჯამში, 335 000 ლარი დაიხარჯა.
