,
თბილისის მერიის გარემოს დაცვის საქალაქო სამსახურმა მთაწმინდის რაიონში, ტარას შევჩენკოს სახელობის სკვერის სრული რეაბილიტაციის სამუშაოები დაასრულა.
დასრულებული სამუშაოები გარემოს დაცვის საქალაქო სამსახურის უფროსმა გიგა გიგაშვილმა, ვაკის რაიონის გამგებელ ნოდარ ტურძელაძესთან ერთად მოინახულა.
რეაბილიტაციის ფარგლებში, სამსახურმა, 643 კვადრატულ მეტრ ფართობზე, სარწყავი და განათების სისტემა, საფეხმავლო ბილიკები და გამწვანებული თარგები მოაწყო. ტერიტორიაზე დაიდგა სასმელი წყლის სოკო, სკამები და ურნები. მოპირკეთდა ტარას შევჩენკოს ძეგლის პიედესტალი.
აღნიშნულ სკვერში ჯამში, 348 ძირი მწვანე ნარგავი დაირგო: 13 ძირი მინდვრის ნეკერჩხალი, 47 ძირი ჭრელფოთოლა ლიგუსტრუმი, 7 ძირი მარადმწვანე ძახველი, 11 ძირი ფოტინია, 192 ძირი აბელია, 69 ძირი ლოროპეტალუმი, 1 ძირი დიდყვავილა მაგნოლია და 8 ძირი ბურთის ფორმის ფოტინია. გარდა ამისა, 200 კვადრატულ მეტრ ფართობზე დაიგო ბალახის საფარი.
გამწვანების სამუშაოები შპს ,,ეკოსევრის ჯგუფმა“ განახორციელა.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
