ჯონს ჰოპკინსის უნივერსიტეტის მონაცემებით, მსოფლიოში კორონავირუსით 975 100 ადამიანი გარდაიცვალა.

კორონავირუსს ყველაზე მეტი ადამიანი (201 880 ) აშშ-ში ემსხვერპლა, მეორე ადგილზეა ბრაზილია (138 195), მესამეს კი ინდოეთი (90 020) იკავებს.

პანდემიის დაწყებიდან დღემდე მსოფლიოში კორონავირუსის 31 779 533 შემთხვევა დადასტურდა, გამოჯანმრთელებულთა რიცხვი კი 22 მილიონს გადააჭარბა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.