,
უნივერსიტეტების უახლესი გლობალური რეიტინგის მიხედვით, 2021 წლის წამყვან უნივერსიტეტებს შორის მთავარ წილს აზიის სასწავლო დაწესებულებები იკავებენ, თუმცა ამავე რეიტინგის ათეულში, ძირითადად, ამერიკული უნივერსიტეტები დომინირებენ. ტოპ-10 საუკეთესო უნივერსიტეტიდან ხუთი აშშ-შია, დარჩენილი ხუთეულიდან კი ოთხი - დიდ ბრიტანეთში, ხოლო ერთი - შვეიცარიაში მდებარეობს. მართალია, ათეულში ვერ მოხვდა, თუმცა მსოფლიოში ერთ-ერთი გამორჩეულ ნიშას იკავებს სინგაპურის ეროვნული უნივერსიტეტიც.
რეიტინგი უმაღლესი განათლების 5 500 დაწესებულებიდან მსოფლიოს ყველაზე პრესტიჟულ 1 029-ს ადგენს - სწორედ ათასზე მეტია იმ უნივერსიტეტების რიცხვი, სადაც უმაღლესი განათლების მიღება დღეს ყველაზე პრესტიჟულად ითვლება.
ბუნებრივია, ამ ფონზე კონკურენციაც ძალიან მაღალია და, შესაბამისად, უნივერსიტეტებს დიდი ძალისხმევა სჭირდებათ რეიტინგში დაკავებული პოზიციების შესანარჩუნებლად. თუმცა, ისიც უნდა აღინიშნოს, რომ უნივერსიტეტების ნაწილი ლიდერობისთვის ძალას არ ზოგავს - ამ მხრივ, 2021 წელს ყველაზე შთამბეჭდავი მიღწევები აზიის უნივერსიტეტებს აქვთ - კონტინენტის 26 დაწესებულება მსოფლიოს საუკეთესო ათას უნივერსიტეტს შორის მოხვდა.
საინტერესოა ის მეთოდოლოგიაც, რომლის მიხედვითაც თითოეული უნივერსიტეტის ადგილი განისაზღვრება. როგორც ირკვევა, ეს საზომებია: უნივერსიტეტში დასაქმებული აკადემიური პერსონალის რეპუტაცია; სტუდენტთა განათლების კოეფიციენტი საერთაშორისო დონეზე; ფაკულტეტების საერთაშორისო კოეფიციენტი, რომელიც კონკრეტული მიმართულებების პოპულარობას განსაზღვრავს; სტუდენტების და ფაკულტეტების თანაფარდობა და სხვა.
რაც შეეხება თავად უნივერსიტეტებს, მასაჩუსეტსის ტექნოლოგიური ინსტიტუტი ბოლო ცხრა წლის განმავლობაში მსოფლიოს საუკეთესო უნივერსიტეტებს შორის პირველ ადგილს იკავებს. ფაქტია, რომ MIT მეთოდოლოგიის ყველა საზომში უმაღლეს ქულებს აგროვებს. მას მეორე ადგილზე სტენფორდის უნივერსიტეტი მოსდევს, ხოლო ათეულში ჰარვარდის, კალტექის და ჩიკაგოს უნივერსიტეტები გვხვდება.
უმაღლესი განათლების კანადური დაწესებულებებიდან საუკეთესო უნივერსიტეტებს შორისაა ტორონტოს უნივერსიტეტი, რომელიც სიაში 25-ე ადგილზეა. რაც შეეხება ლათინურ ამერიკას, არგენტინაში არსებული ბუენოს-აირესის უნივერსიტეტი რეიტინგში 66-ე პოზიციას იკავებს, რომელსაც მექსიკის და სან-პაულოს უნივერსიტეტები მოსდევს, მე-100 და 115-ე ადგილებით.
აფრიკის ორი ტოპ უმაღლესი განათლების დაწესებულება სამხრეთ აფრიკის რესპუბლიკაში მდებარეობს, თუმცა რეიტინგში ისინი ერთმანეთისგან შორს არიან. სიაში 220-ე ადგილზეა კეიპტაუნის უნივერსიტეტი, ხოლო 403-ეზე - იოჰანესბურგის ინსტიტუტი.
რაც შეეხება ევროპას, კონტინენტის ტოპ ხუთეულში შემავალი უნივერსიტეტებია: ოქსფორდის უნივერსიტეტი, შვეიცარიის ფედერალური ტექნოლოგიური ინსტიტუტი, კემბრიჯის უნივერსიტეტი, ლონდონის საიმპერატორო კოლეჯი და ლონდონის საუნივერსიტეტო კოლეჯი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
