USD 2.7084
EUR 2.9337
RUB 2.9233
თბილისი
მსოფლიოს 5 ტომი განსაკუთრებული უნარებით
თარიღი:  2471

მსოფლიოში სრულიად უნიკალურ უნარების მქონე ხალხები ცხოვრობენ, რომლებიც თავად ვერც კი აცნობიერებენ რამდენად გამორჩეულები არიან. ამ ადამიანებმა სუპერშესაძლებლობები ისეთი ფაქტორების შედეგად შეიძინეს, როგორიცაა კვების პროდუქტები, კლიმატი და ცხოვრების წესი. ჩვენ გიამბობთ ამ ერებისა და მათი განსაკუთრებული უნარების შესახებ, რაც წარმატების მიღწევაში დაეხმარათ.

1. კენიის კალენჯინის ტომი - ყველა დროის მარათონელები

ცნობილია, რომ მსოფლიოში საუკეთესო მარათონელები კენიელები არიან. თანაც თითქმის ყველა მარათონელი ერთი ტომის - კალენჯინის ტომის ხალხია.

2. ინდონეზიის ბაჯაოს ტომი - 13 წუთამდე წყალქვეშ ყოფნა შეუძლიათ

ანდამანის ზღვის სანაპიროზე მომთაბარე ბაჯაოს ტომს, რომელთა მეორე სახელია "ზღვის ბოშები", წყალქვეშ გაძლების საოცარი უნარი განუვითარდათ. ყველაზე გამოცდილ მყვინთავებს ერთი ჩაყვინთვისას წყალქვეშ 13 წუთამდე დარჩენა შეუძლიათ.

ამ საოცარი უნარის წყალობით ისინი ზღვის ფსკერზე საკვების მოპოვებას ახერხებენ. კემბრიჯის უნივერსიტეტის მკვლევარებმა დაადგინეს, რომ ამ ეთნიკური ჯგუფის წარმომადგენელთა სხეულები ადაპტირებულია დაივინგისთვის, რის შედეგადაც მათი ელენთა 50 პროცენტით გაიზარდა.

3. მოკენის ტომი - ბავშვობის ასაკში ჩვეულებრივ ხედავენ წყალქვეშ

ეს საოცარი უნარი მხოლოდ დასავლეთ ტაილანდში მცხოვრებ ბავშვებს აქვთ - სხვა ბავშვებისგან განსხვავებით, ისინი წყალქვეშ მშვენივრად ხედავენ. აღსანიშნავია, რომ ზრდასრულ ასაკში მოკენები წყალქვეშ ხედვის უნარს კარგავენ.

4. შერპები - ევერესტის გამცილებელბი

ევერესტზე ასვლა ნებისმიერი ადამიანისთვის მძიმე გამოწვევაა, მაგრამ არა შერპებისთვის. ამ ტომის წევრები დაბადებიდან მთამსვლელები არიან. აღსანიშნავია, რომ ევერესტისკენ მიმავალ ალპინისტთან ჯგუფს ყოველთვის შერპი გამცილებელი ახლავს.

კვლევებით დადასტურდა, რომ შერპების სხეული კარგად ეგუება მაღალ სიმაღლეებზე ჟანგბადის ნაკლებობას. შერპები ჰიმალაის მთებში 6000 წელზე მეტი ხანია ცხოვრობენ, რაც უკიდურესად ცივ ტემპერატურასა და ჟანგბადის ნაკლებობასთან ადაპტაციისთვის საკმარისი დროა.

5. ჩინეთში მცხოვრებ ჰმონგის (ან მეო) ტომს სტვენით ურთიერთობა შეუძლიათ

თუმცა, მხოლოდ მათ არა.. მსოფლიოში კიდევ რამდენიმე ტომია, რომლებსაც ასეთი ურთიერთობა შეუძლიათ. ჩვეულებრივ, ისინი მთიან ადგილებში, ერთმანეთისგან შორს ცხოვრობენ.

ჰმონგები მუშაობისას, ნადირობისას თუ საღამოობით, სიყვარულის ახსნისას უსტვენენ. სტვენის მნიშვნელობა ყველას ესმის, მაგრამ იმის დადგენა, ვინ უსტვენს შეუძლებელია.

წყარო:https://funtime.ge/

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.