ნავთობის ამერიკული ინსტიტუტის (API) მიერ აშშ-ის ნავთობის მარაგის შემცირების შესახებ მონაცემების გამოქვეყნების შემდეგ, მსოფლიო ნავთობზე ფასებმა კვლავ მოიმატა.

Brent-ის ტიპის ნავთობის ფასი ბარელზე 73 დოლარს უახლოვდება. 8:32 საათისთვის  აგვისტოს ფიუჩერსების ფასი Brent-ის ნავთობზე  0,57%-ით გაიზარდა და ბარელზე 72,62 აშშ დოლარს აღწევს.

ხოლო WTI-ის ივლისის ფიუჩერსებზე ფასები 0, 63%-ით გაიზარდა და ბარელზე 70,47 აშშ დოლარს შეადგენს.

ინვესტორები ასევე ელოდებიან ოფიციალურ სტატისტიკას ნავთობის კომერციული მარაგების შესახებ, რომელსაც აშშ 10 ივნისს გამოაქვეყნებს.