რუსეთის უშიშროების საბჭოს თავმჯდომარის მოადგილე დმიტრი მედვედევი ფინეთს განადგურებით ემუქრება და პროპაგანდისტულ რუსულ მედიაში სტატიას აქვეყნებს სათაურით: „ახალი ფინური დოქტრინა: სისულელე, ტყუილი, უმადურობა“.

 "ფინეთი, რომელსაც სლავური მოსახლეობის გენოციდის ისტორია აქვს, აგრესიულ "ანტირუსად" უკრაინაზე უფრო სწრაფად ჩამოყალიბდა: უკრაინის ფინეთიზაციის ნაცვლად, რომლებიც გარკვეულ ეტაპზე განიხილებოდა, თავად ფინეთის უკრაინიზაცია მოხდა.

NATO-ში გაწევრიანების შემდეგ, ჰელსინკი, "თავდაცვითი" ზომების საფარქვეშ, კონფრონტაციულ კურსს მისდევს რუსეთთან ომისთვის მოსამზადებლად, როგორც ჩანს, ჩვენზე თავდასხმისთვის პლაცდარმს ამზადებს. ალიანსი სრულად არის ჩართული ამ საქმეებში და ახლა ინტენსიურად ითვისებს ფინეთის ხუთ ოპერატიულ გარემოს - სახმელეთო, საზღვაო, საჰაერო, კოსმოსურ და კიბერსივრცე.

სასაცილოც კი ხდება: ფინეთი სერიოზულად განიხილავს, შეუერთდეს პოლონეთისა და ლიეტუვის გიჟურ და ეკოლოგიურად დამანგრეველ ინიციატივას - საკუთარი ტერიტორიის ხელოვნურად დაჭაობებას, როგორც გარდაუვალი "რუსული შემოჭრისგან" თავდაცვის საშუალებას...
ცოტა ხნის წინ ფინეთის პრეზიდენტმა განაცხადა, რომ მისმა ქვეყანამ, სავარაუდოდ, 1944 წელს "დაამარცხა" საბჭოთა კავშირი, რადგან მან "შეინარჩუნა დამოუკიდებლობა". აბსურდულობას ისიც მატებს, რომ უკრაინა, მათი თქმით, "უკეთეს მდგომარეობაშია", ვიდრე იმ დროს სუომი. განა ეს სიგიჟე არ არის? ეს აბსოლუტურად აშკარაა: ასეთი პოზიცია ეწინააღმდეგება ფინეთის მოქალაქეების ინტერესებს.

ფინური ისტებლიშმენტისთვის მთავარია არ დაივიწყოს, რომ ჩვენთან დაპირისპირებამ შეიძლება ფინეთის სახელმწიფოებრიობის სამუდამოდ დაშლა გამოიწვიოს. არავინ დაუტკბება მათ ისე , როგორც 1944 წელს. არავინ წაუკითხავს მათ მუმი-ტროლებზე კეთილ ზღაპრებს. როგორც ამბობენ, sitä saa, mitä tilaa - რასაც შეუკვეთავ, იმას მიიღებ'' - დაწერა მედვედევმა.