,
ჩვენ საგარეო დახმარებაზე უარს არ ვამბობთ, - ამის შესახებ აშშ-ის სახელმწიფო მდივანმა, მარკო რუბიომ განაცხადა.
„ჩვენ საგარეო დახმარების გაწევის თვალსაზრისით ჩართულობას გავაგრძელებთ, რადგან მიმაჩნია, რომ სათანადოდ ორგანიზებული დახმარება კარგია ქვეყნისთვის. მაგრამ ის სწორად უნდა იყოს ორგანიზებული. ჩვენ საგარეო დახმარებაზე უარს არ ვამბობთ. ჩვენ უარს ვამბობთ საგარეო დახმარებაზე, რომელიც სულელურია, რომლითაც ამერიკელი გადამხდელების ფული იფლანგება“, - განაცხადა მარკო რუბიომ.
მისი თქმით, აშშ გარკვეულ კონტექსტში ქვეყნებისთვის საგარეო დახმარების აღმოჩენას გააგრძელებს.
„ჩვენ ყოველგვარი საგარეო დახმარება შევაჩერეთ და ახლა მას პროექტ-პროექტ განვიხილავთ. ხალხი შიმშილით დაიღუპება? შიმშილობა იქნება? მოახდენს ეს ქვეყნის დესტაბილიზაციას? უარყოფითად იმოქმედებს ჩვენს ეროვნულ უსაფრთხოებაზე? - მაშინ ჩვენ ამის გაკეთებას გავაგრძელებთ. სასარგებლო პროექტები შენარჩუნდება და გაძლიერდება“, - აღნიშნა აშშ-ის სახელმწიფო მდივანმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
