ამერიკის სახელმწიფო მდივანმა, მარკო რუბიომ, Fox News-თან ინტერვიუში განაცხადა, რომ აშშ-ის პოზიცია რუსეთთან მოლაპარაკებების საკითხზე ერთმნიშვნელოვანია – არანაირი კონკრეტული შეთანხმებები ან საზღვრების გადანაწილება განხილული არ ყოფილა.
„ჩვენ პირდაპირ ვუთხარით რუსებს: თუ ომის გაგრძელება გსურთ, ჩვენ ვერ ვითანამშრომლებთ ეკონომიკურად და ვერ გვექნება რაიმე სახის ურთიერთქმედება. თუმცა, თუ ომის შეჩერება თქვენი მიზანია, შეგვიძლია განვიხილოთ, რა ნაბიჯებია საჭირო ამისთვის,“ – აღნიშნა რუბიომ.
მისი თქმით, აშშ-ის მთავრობას სურს დარწმუნდეს, რამდენად სერიოზულად ეკიდებიან რუსები კონფლიქტის დასრულების პერსპექტივას. „თუ მათი მოთხოვნები არარეალისტურია, ეს ნიშნავს, რომ ისინი არ აღიქვამენ რეალობას სწორად. პრეზიდენტს სურს იცოდეს, აქვს თუ არა რუსეთს რეალური სურვილი ომის დასრულებისკენ,“ – განაცხადა რუბიომ.
