,
აშშ-ის სახელმწიფო მდივანინ მაიკ პომპეო აცხადებს, რომ აშშ-მ, შესაძლოა, ჯანდაცვის მსოფლიო ორგანიზაციას დაფინანსება აღარ აღუდგინოს.
„ეს შესაძლოა გახდეს საკითხი, რომელსაც აშშ აღარ მიუბრუნდეს და ამერიკელი გადასახადის გადამხდელების დოლარები ჯანმო-ში აღარ წავიდეს,“ - აღნიშნა პომპეომ.
მისივე თქმით თქმით, კორონავირუსის პანდემიამ ჯანდაცვის მსოფლიო ორაგანიზაციის ფუნქციონირების გადახედვის საჭიროება გააჩინა და არ არის გამორიცხული, ვაშინგტონმა ალტერნატიული ორგანოს შექმნაზეც იმსჯელოს.
“ეს არის საკითხი, რომელზე მსჯელობასაც ვგეგმავთ,“- დასძინა მან.
შეგახსენებთ, რამდენიმე დღის წინ აშშ-ის პრეზიდენტმა დონალდ ტრამპმა განაცხადა, რომ მან განკარგულება გასცა, ჯანდაცვის მსოფლიო ორგანიზაციას შეუჩერონ დაფინანსება იქამდე, ვიდრე შეისწავლიან "ჯანმო-ს როლს პანდემიის არასწორად მართვასა და კორონავირუსის გავრცელების შესახებ ინფორმაციის დამალვაში".
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
