,
ბელარუსის პრეზიდენტის, ალექსანდრე ლუკაშენკოს განცხადებით, შეერთებულ შტატებს უკრაინაში კონფლიქტის დასრულება არ სურს.
მისი მტკიცებით, ამერიკელი მაღალჩინოსნები დაინტერესებულნი არიან იმით, რომ რუსეთმა და უკრაინამ ერთმანეთი გაანადგურონ.
„ეს არის რუსეთისა და ბელარუსის საერთო ბრძოლა ამ მხეცების წინააღმდეგ. რა ვქნათ, ვისხდეთ და ველოდოთ როგორ გაანადგურებენ ჩვენს ქვეყანას, როგორც ეს 85 წლის წინ გააკეთეს? რა თქმა უნდა, ვუპასუხებთ მყისიერად და ადეკვატურად. თუ არ უნდათ, რომ ეს მოხდეს, დავსხდეთ მოლაპარაკებების მაგიდასთან და დავასრულოთ ეს ბრძოლა. ეს არც უკრაინელ ხალხს სჭირდება, არც რუსებს და არც ბელარუსებს. ეს დასავლეთში აწყობთ.
მე არ შემიძლია ფაქტების გამჟღავნება, რადგანაც ისინი გასაიდუმლოებულია, თუმცა ზოგჯერ ისინი ღიად საუბრობენ - მაღალი რანგის პირები ამბობენ: „დაე რუსებმა და უკრაინელებმა დახოცონ ერთმანეთი და ყველა დაიღუპოს“, - განაცხადა ლუკაშენკომ.
ალექსანდრე ლუკაშენკომ რამდენიმე დღის წინ განაცხადა, რომ უკრაინიდან ბელარუსისა და რუსეთის ტერიტორიისკენ გაგზავნილი 10-მდე სამიზნე გაანადგურეს. მისი განმარტებით, იაროსლავის მახლობლად ჩამოგდებული საჰაერო სამიზნეების შესახებ მოსკოვს ინფორმაცია მიაწოდეს.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
