,
16 მაისის ვაჭრობა Bloomberg-ის სავალუტო სისტემაში ლარის გამყარებით დაიწყო. ვაჭრობა 2.82-ის კურსზე გაიხსნა და ის რამდენიმე საათში 2.76-მდე შემცირდა.
ეს ჯერ ოფიციალური გაცვლითი კურსი არაა, გუშინდელი ვაჭრობის შედეგად დოლარის ოფიციალური კურსი 4.59 თეთრით 2.7323 ლარამდე გაიზარდა, ამასთან გუშინ Bloomberg-ის სისტემაში გაუფასურება სამუშაო საათების შემდგომ საათებშიც გაგრძელდა და დოლარის კურსმა 2.82-საც მიაღწია, დღეს კი ვაჭრობა გამყარებით გაიხსნა.
ამ გამყარების მიუხედავად, მაღალი ალბათობით ოფიციალური გაცვლითი კურსი დღესაც გაუფასურდება და ის დოლართან 2.75-2.76 ლარს დაუახლოვდება.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
