,
შეიძლება ითქვას, რომ ინფრასტრუქტურული კომპანიები გაკოტრდნენ, - ამის შესახებ ბიზნეს ასოციაციის აღმასრულებელმა დირექტორმა, ლევან ვეფხვაძემ „საქმიანი დილას“ ეთერში სტუმრობისას განაცხადა.
როგორც ის განმარტავს, კომპანიებს სერიოზული პრობლემები აქვთ და ეს ორი ფაქტორით არის გამოწვეული: ფასების მატება მსოფლიო ბაზარზე და სავალუტო კურსის რყევა საქართველოში.
„ძალიან ბევრი ზარი შემოდის ინფრასტრუქტურული კომპანიების მხრიდან. უკვე გაკოტრების პირას აღარ არიან, შეიძლება ითქვას, რომ გაკოტრდნენ, გამომდინარე იქიდან, რაც ბაზარზე ხდება, რა ფასებიცააა. ეს, რაც ახლა ხდება, მარტო სავალუტო კურსით გამოწვეული რყევა რომ იყოს, კიდევ შეიძლება არ ჰქონდეს იმხელა ნეგატიური ეფექტი: ორმაგი ეფექტია - დოლარში საერთაშორისო ბაზრებზე სამშენებლო მასალა ძვირდება და ამას ემატება გაცვლითი კურსით გამოწვეული შოკი“, - განაცხადა ლევან ვეფხვაძემ.
მისი თქმით, სიტუაციიდან გამოსავალი ერთია - სახელმწიფო ინფრასტრუქტურულ პროექტებში ინდექსაციის სისტემის ამოქმედება – ანუ ამა თუ იმ სამშენებლო მასალის გაძვირება სახელმწიფომ უნდა დააკომპენსიროს და პროექტის თანხა შესაბამისად გაზარდოს. ვეფხვაძე განმარტავს, რომ არსებულ სიტუაციაში, ინფრასტრუქტურული პროექტების და კომპანიების გადასარჩენად სახელმწიფომ ნაბიჯი უნდა გადადგას.
„მაგალითად, არმატურა თითქმის 50%-ით გაიზარდა ლარში ექვივალენტით. ეს ყველაფერი აისახება მოქალაქეებზე, რომლებიც სახლს აშენებენ ან არემონტებენ. სახელმწიფომაც უნდა გადადგას ამ სიტუაციაში ნაბიჯი და თქვას, რომ მსგავს სიტუაციაში არაფერი გამოვა ინდექსაციის გარეშე. უკვე რამდენიმე თვეა ვმუშაობთ ამაზე, რომ იყოს ინდექსაცია.
ეს ნიშნავს, რომ ჩვენ კი არ ვაკეთებთ რაიმე შეფასებას, არამედ, არსებობს სტატისტიკის სამსახური, რომელსაც აქვს მშენებლობის ინდექსიც და სამშენებლო მასალების ინდექსიც. იქ კვარტალურად ხდება გარკვეული ინდექსების გამოყენება. თუ ჩვენ ამ ინდექსებს ავსახავთ პროექტებში, იქნება ძალიან სწორი მიდგომა, სახელმწიფოსაც და მშენებელ კომპანიასაც დააზღვევს“, - ამბობს ვეფხვაძე.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
