,
ნაკლიის პორტის კერძო პარტნიორთან კონტრაქტი შესაძლებელია გაზაფხულზე გაფორმდეს.
კერძოდ, მთავრობის ადმინისტრაციაში გამართულ ბრიფინგზე ანაკლიის ღრმაწყლოვანი ნავსადგურის პროექტის კერძო პარტნიორის შერჩევის პროცესის მიმდინარეობასთან დაკავშირებით დასმულ კითხვის საპასუხოდ ლევან დავითაშვილმა განაცხადა, რომ მოლაპარაკებები ინტენსიურად მიმდინარეობს და შესაძლებელია, ინვესტორთან კონტრაქტი მიმდინარე წლის გაზაფხულზე გაფორმდეს.
ლევან დავითაშვილის განცხადებით, ამ პროცესში კონფიდენციალურობაა საჭირო, რათა მაქსიმალურად ეფექტიანად წარიმართოს.
„ვფიქრობ, რომ შევძლებთ, კონტრაქტი გავაფორმოთ უკვე ამ გაზაფხულზე, არაუგვიანეს ზაფხულისა. ჩემი მოლოდინი იყო, რომ მოლაპარაკების რაუნდები უფრო სწრაფად შედგებოდა და შედეგებიც უფრო სწრაფად იქნებოდა. თუმცა, გვესმის, რომ მსოფლიოს რამდენიმე წამყვანი კომპანიაა მოლაპარაკებებში ჩართული და ამ პროცესში კონფიდენციალურობაა საჭირო, რათა მაქსიმალურად ეფექტიანად წარიმართოს", - აღნიშნა ლევან დავითაშვილმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
