კრწანისის რაიონის გამგეობის ორგანიზებით, „ილია პაჭკორიას სახელობის კრწანისის რაიონული ტურნირი მინი ფეხბურთში -2023“ -ის ფინალი გაიმართა.
შვიდდღიან ტურნირში მონაწილეობა კრწანისის რაიონში მცხოვრებ, 17 წლიდან ზევით ასაკობრივი ჯგუფის ყველა მსურველს შეეძლო. თამაშები რაიონში არსებულ ახლად რეაბილიტირებულ ოთხ ღია სპორტულ მოედანზე ჩატარდა. ფინალი გუნდებს „ლოუ სკოუპი“ და „ზემო ფონიჭალა“ შორის გაიმართა. გამარჯვება "ლოუ სკოუპის" გუნდმა მოიპოვა.
პირველ, მეორე და მესამე ადგილზე გასულ გუნდებს თასი, მედლები, სიგელები და სავაჭრო ცენტრის სასაჩუქრე ვაუჩერები გადაეცათ. ასევე, გამოვლინდნენ სხვადასხვა ნომინაციაში გამარჯვებული მოთამაშეებიც (ტურნირის საუკეთესო ბომბარდირი, საუკეთესო მეკარე და საუკეთესო მოთამაშე).
ფინალური შეხვედრა გორგასალის N 111-ში მდებარე სტადიონზე გაიმართა, რომლის რეაბილიტაციისათვის კრწანისის რაიონის გამგეობამ 130 000 ლარამდე დახარჯა. თამაშების დაწყებამდე სპორტული მოედანი დედაქალაქის მერის მოადგილემ - კახაბერ გულედანმა და რაიონის მაჟორიტარმა დეპუტატმა - ლევან ჯაფარიძემაც დაათვალიერეს.
