,
ბათუმში „ოცნების ქალაქში“ მომხდარ ტრაგედიასთან დაკავშირებით სამშენებლო კომპანია „ანაგის“ წარმომადგენელმა დავით ანდღულაძემ კომენტარი გააკეთა. მან გარდაცვლილთა ოჯახებს მიუსამძიმრა და აღნიშნა, რომ ტრაგედიის ადგილი სამშენებლო მოედნის ფარგლებს გარეთ მდებარეობს.
„ვუსამძიმრებთ ამ ბავშვების ოჯახებს და ახლობლებს, მთელ საქართველოს. მართლაც საშინელი ტრაგედიაა. რაც შეეხება თქვენს შეკითხვას, თუ სად მოხდა ეს შემთხვევა, შემთხვევის ადგილი, სადაც ეს ტრაგედია დატრიალდა, არის ჩვენი სამშენებლო ობიექტის ფარგლებს გარეთ და ამ ტერიტორიასთან ჩვენ არანაირი გადაკვეთა არ გვაქვს“, - განაცხადა ანდღულაძემ.
ბათუმში, ფრ. ხალვაშის გამზირის #188-ის მიმდებარედ, წყლით სავსე თხრილში ორი არასრულწლოვანი ჩავარდა. მათი გადარჩენა ვერ მოხერხდა. შსს-მ ბათუმში ორი არასრუწლოვანის დაღუპვის ფაქტზე გამოძიება გაუფრთხილებლობით სიცოცხლის მოსპობის მუხლით დაიწყო.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
