,
საქართველოში კიტრის იმპორტი გაიზარდა. საქსტატის მონაცემებით, მიმდინარე წლის პირველ ხუთ თვეში ქვეყანაში 4,8 მლნ აშშ დოლარის ღირებულების 9 794 ტონა კიტრი შემოვიტანეთ, მაშინ როცა გასული წლის ანალოგიურ პერიოდში კიტრის იმპორტის მოცულობამ 9 130 ტონა შეადგინა (3,5 მლნ აშშ დოლარი). კიტრის იმპორტის მაჩვენებელი კიდევ უფრო დაბალი იყო 2022 წელს - 8 429 ტონა (2,7 მლნ დოლარი) და 2021 წელს - 5 274 ტონა (1,6 მლნ დოლარი).
კიტრის უმსხვილესი იმპორტიორი ქვეყანა თურქეთია, საიდანაც 2024 წლის პირველ ხუთ თვეში 9 374 ტონა კიტრი შემოვიდა, დანარჩენი მცირე რაოდენობით კი, კიტრი ირანიდან და ნიდერლანდებიდანაც შემოვიტანეთ. ხოლო გასულ წელს, მცირე რაოდენობით კიტრის იმპორტი სომხეთიდანაც განხორციელდა.
რაც შეეხება ექსპორტს, წელს 175 970 აშშ დოლარის დაახლოებით 167 ტონა კიტრი გავიტანეთ. უმრავლესობა სომხეთში (163 ტონა), ხოლო მცირე რაოდენობით - რუსეთში (4 ტონა).
2023 წელს კი ანალოგიურ პერიოდში საქართველოდან 367 000 აშშ დოლარის დაახლოებით 425 ტონა კიტრის ექსპორტი განხორციელდა. ხოლო 2022 წელს 225 000 აშშ დოლარის 196 ტონა კიტრის ექსპორტი.
წყარო:https://bm.ge/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
