,
ხვიჩა კვარაცხელია პარიზის "PSG"-სთან კონტრაქტის პირობებზე შეთანხმდა - წერს La Gazzetta dello Sport.
წყაროს ცნობით, მხარეები ხუთწლიან კონტრაქტზე შეთანხმდნენ, რომლის მიხედვითაც ფეხბურთელი წელიწადში 7,5 მილიონ ევროს მიიღებს. აღსანიშნავია, რომ ნეაპოლელებს ფეხბურთელის გაშვება არ სურთ.
შეგახსენებთ, რომ ადრე აგენტმა მამუკა ჯუღელმა, რომელიც ქართველი ფეხბურთელის ინტერესებს წარმოადგენს, გამოაცხადა მისი კლიენტის სურვილი, დატოვოს „ნაპოლი,“ რათა გადასულიყო გუნდში, რომელიც ჩემპიონთა ლიგაზე ითამაშებდა.
კვარაცხელიას მოქმედი კონტრაქტი „ნაპოლისთან“ 2027 წლის ზაფხულამდეა გათვლილი.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
