,
საქართველოს ჯანდაცვის სამინისტრო „სოციალურ კოდექსზე“ იწყებს მუშაობას. პროცესის დაწყების შესახებ დღეს სიმბოლური პრეზენტაცია ცერემონიების სასახლეში გაიმართა.
როგორც პრეზენტაციის შემდეგ ჯანდაცვის მინისტრის მოადგილე თამარ ბარკალაიამ განმარტა, დღეიდან სხვადასხვა მიმართულებით დაიწყება დისკუსიები და შემუშავებული რეკომენდაციების მიხედვით, ევროპული სტანდარტის „სოციალური კოდექსი“ უნდა ჩამოყალიბდეს.
“დღეს იყო სოციალური კოდექსის შემუშავების დაწყების ოფიციალური ცერემონიალი. კოდექსზე მუშაობის ძირითადი მიზანი არის, რომ ჩვენი მოქალაქეებისთვის, მათი ცხოვრების თითოეულ ეტაპზე იყოს შესაბამისი დაცულობა და ეს დაცულობა თავის თავში მოიაზრებს როგორც ფულად გასაცემლებს თავის თავში, ასევე ჯანდაცვის საჭიროებების დაკმაყოფილებას, შრომის ბაზრის პოლიტიკას და დასაქმებაში ხელშეწყობას, ისევე როგორც უმუშევრობის რისკების დაზღვევას და გადაზღვევას.
ეს არის ის მექანიზმები, რომლებიც დღეს ევროკავშირის სხვადასხვა ქვეყნებში სხვადასხვა ტიპის სისტემებით არის გარანტირებული. სოციალური კოდექსის შემუშავების პროცესში შევისწავლით სხვადასხვა სისტემებს, იქნება ეს ძველი თუ ახალი წევრი ქვეყნები ევროკავშირის. ჩვენ გვაქვს ამბიცია, რომ 2024 წელს გავაკეთოთ განაცხადი ევროკავშირის წევრობაზე და ამ დროისთვის ჩვენი სოციალური კოდექსი უნდა იყოს ისეთივე სტანდარტით, როგორიც არის ევროკავშირში“, - განაცხადა ბარკალაიამ.
მისივე თქმით, აქ არ არის საუბარი მხოლოდ სოციალურ და მონეტარულ გასაცემელზე, თუმცა მათ შორის მონეტარულ გასაცემელზეც იქნება საუბარი, ასევე დაზღვევის სისტემაზე, უმუშევრობის რისკების დაზღვევაზე, ჯანდაცვის რისკებზე, პრეპარატებზე ხელმისაწვდომობასა და ა.შ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
