,
საქართველოს ხელისუფლების ახალი სტრატეგია "ქართული ოცნების" აღმასრულებელმა მდივანმა კახა კალაძემ გააჟღერა და განაცხადა, რომ არაა აუცილებელი, ერთ შეხვედრაზე მთელი ოპოზიციური სპექტრი იყოს წარმოდგენილი.
"მზად ვართ მოლაპარაკებისთვის ოპოზიციასთან და შეგვიძლია შევხვდეთ ცალკეულ პარტიებს, არაა აუცილებელი, ყველა ერთ შეხვედრაზე იყოს წარმოდგენილი, შეგვიძლია შევხვდეთ ცალკე და ვისაუბროთ საარჩევნო გარემოზე", - განაცხადა კახა კალაძემ ჟურნალისტებთან საუბრისას.
შეგახსენებთ, მანამდე არჩილ თალაკვაძემ განაცხადა, რომ იმედი აქვს, ოპოზიცია დაუბრუნდება მოლაპარაკების რეჟიმს.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
