,
პარტია „ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე წინასაარჩევნო შეხვედრებს განაგრძობს.
დედაქალაქის მერობის კანდიდატი დღეს ბიზნესსექტორის წარმომადგენლებს შეხვდა და მათ საკუთარი საარჩევნო პროგრამა გააცნო.
კახა კალაძემ ბიზნესმენებს თბილისისთვის მნიშვნელოვან პროექტებში მონაწილეობისთვის მადლობა გადაუხადა და იმედი გამოთქვა, რომ მომავალი ოთხი წელი მუნიციპალიტეტისა და ბიზნესის თანამშრომლობის კუთხით, კიდევ უფრო ნაყოფიერი იქნება.
„იმ პროექტებსა და რეფორმებს, რომლებიც 2017 წელს დავიწყეთ, ვერავინ შეაფერხებს. ვერავინ შეაფერხებს ასევე, ამ ქალაქის აღმშენებლობასა და განვითარებას, რაც დღეს ყველაზე მეტად გვჭირდება. ჩვენ ჩავატარეთ საარჩევნო კამპანია, რომელიც იყო ევროპული ტიპის, პოზიტივზე, საქმეზე და ქალაქზე ორიენტირებული, სადაც ვსაუბრობდით კონკრეტულ გეგმებსა და პროექტებზე რაიონების, ქუჩების მიხედვით. სამწუხაროდ, მეორე მხრიდან იყო აგრესია და დღესაც გრძელდება, ასევე, ძალადობა და ცილისწამება. თუ რაიმე ცუდი შეიძლება გაიფიქროს ადამიანმა, ყველაფერს კადრულობენ, მაგრამ ჩვენ, რა თქმა უნდა, არ ვიკადრებთ და მათ იგივე ბოროტებით არ დავუპირისპირდებით. ნამდვილად არ დავეშვებით იქამდე, სადაც ისინი იმყოფებიან. პირიქით, მგონია, რომ ჩვენ მიერ გადადგმული კონკრეტული ნაბიჯებით უნდა ვეცადოთ, რომ ეს ადამიანები ამოვიყვანოთ იმ ჭაობიდან, სადაც იმყოფებიან“, - განაცხადა თბილისის მერობის კანდიდატმა.
კახა კალაძემ ასევე ადგილობრივი თვითმმართველობის არჩევნების მეორე ტურის მნიშვნელობას კიდევ ერთხელ გაუსვა ხაზი და აღნიშნა, რომ „ქართული ოცნება“ საკუთარ გამარჯვებას 30 ოქტომბერს ბოლომდე მიიყვანს.
„პრინციპულად მნიშვნელოვანია ჩვენი გამარჯვება. ჩვენ არჩევნების პირველ ტურში მოვიგეთ ყველგან, სადაც შესაძლებელი იყო. მეორე ტური გაიმართება 20 რაიონში და დარწმუნებული ვარ, საზოგადოების მხარდაჭერითა და თანადგომით, აქაც მივაღწევთ გამარჯვებას. ყველანი აქ ვცხოვრობთ და კარგად ხედავთ, თუ რისი გაკეთება მოვახერხეთ დედაქალაქში ბოლო ოთხი წლის განმავლობაში - განახლდა ავტობუსების პარკი; მიმდინარეობს მიკროავტობუსების ჩანაცვლების პროგრამა; რეაბილიტირდა და განახლდა ბაღები, სკვერები და გზაგამყოფები; სხვადასხვა პროექტის განხორციელებით, თბილისში შემოვიდა საპარკე კულტურა; აშენდა საბავშვო ბაღები და განხორციელდა ინფრასტრუქტურული პროექტები“, - აღნიშნა კახა კალაძემ.
გარდა ამისა, დედაქალაქის მერობის კანდიდატმა შეხვედრაზე ხაზი გაუსვა დაუსრულებელი მშენებლობების პრობლემის გადაჭრაში სამშენებლო კომპანიების ჩართულობის მნიშვნელობას და ბიზნესის მხარდაჭერის პროგრამაზე გააკეთა აქცენტი.
„თქვენ ხართ ის ადამიანები, რომლებიც ქმნით ქვეყანაში დოვლათს. ამ რთულ, პანდემიურ პერიოდში მნიშვნელოვანია, სახელმწიფო და მუნიციპალიტეტი გვერდით დაუდგეს ბიზნესს. ჩვენ განვახორციელეთ არაერთი პროექტი ბიზნესის მხარდასაჭერად და ეს პოლიტიკა მომავალშიც გაგრძელდება“, - განაცხადა კახა კალაძემ.
მისი თქმით, თბილისს განვითარების უზარმაზარი რესურსი გააჩნია და მომდევნო ოთხი წლის განმავლობაში, არაერთი მნიშვნელოვანი პროექტი განხორციელდება.
შშ-ის პრეზიდენტმა, დონალდ ტრამპთან ვენესუელას პრეზიდენტ ნიკოლას მადუროს გასულ თვეში გამართული სატელეფონო საუბრის დროს გადადგომის და ქვეყნის უსაფრთხოდ დატოვებისთვის ვადა გასული კვირის პარასკევამდე მისცა, - ინფორმაციას Reuters-ი ავრცელებს.
გამოცემა წერს, რომ 21 ნოემბრის საუბარს წინ უძღოდა აშშ-ის მიერ ვენესუელაზე ზეწოლის გაზრდა თვეების განმავლობაში, მათ შორის კარიბის ზღვის აუზში ნარკოტიკების კონტრაბანდაში სავარაუდოდ ჩართულ გემებზე დარტყმები, ტრამპის მუქარა ხმელეთზე სამხედრო ოპერაციების გაფართოების შესახებ და Cartel de los Soles-ის, ჯგუფის, რომლის წევრიც ტრამპის ადმინისტრაციის განცხადებით, მადუროა, უცხოურ ტერორისტულ ორგანიზაციად გამოცხადება.
Reuters-ის წყაროების ცნობით, სატელეფონო საუბრისას მადურომ ტრამპს განუცხადა, რომ მზად იყო დაეტოვებინა ვენესუელა იმ პირობით, რომ მას და მის ოჯახის წევრებს სრული სამართლებრივი ამნისტია ექნებოდათ, მათ შორის აშშ-ის ყველა სანქციის მოხსნა და სისხლის სამართლის საერთაშორისო სასამართლოში მისი საქმის შეწყვეტა.
მან ასევე მოითხოვა სანქციების მოხსნა 100-ზე მეტი ვენესუელელი ჩინოვნიკისთვის, რომელთაგან ბევრს აშშ ადამიანის უფლებების დარღვევაში, ნარკოტიკებით ვაჭრობაში ან კორუფციაში ადანაშაულებს,
მადურომ ასევე ითხოვა, რომ ახალი არჩევნების ჩატარებამდე დროებითი მთავრობის ხელმძღვანელი ვიცე-პრეზიდენტ დელსი როდრიგესი ყოფილიყო.
სატელეფონო საუბარის დრომ ტრამპმა მისი მოთხოვნების უმეტესობა უარყო, თუმცა მადუროს უთხრა, რომ მას ერთი კვირა ჰქონდა ოჯახის წევრებთან ერთად ვენესუელას დასატოვებლად.
წყაროების ცნობით, უსაფრთხო გასვლის ვადა პარასკევს ამოიწურა, რის გამოც ტრამპმა შაბათს ვენესუელას საჰაერო სივრცის დახურვის შესახებ განაცხადა.
მადურო და მისი მთავრობა აშშ-ის ადმინისტრაციის ყველა ბრალდებას უარყოფენ და აცხადებენ, რომ შეერთებულ შტატებს ვენესუელაში რეჟიმის შეცვლა სურს, რათა ქვეყნის უზარმაზარი ბუნებრივი რესურსები, მათ შორის ნავთობი, გააკონტროლოს.
