,
ავჭალაში, ზაჰესის ტერიტორიაზე გაჩენილი ხანძრის გამო საგურამოს სათავე ნაგებობას უსაფრთხოების მიზნით შეუწყდა ელექტროენერგიის მიწოდება, რამაც გამოიწვია საგურამოს სათავე ნაგებობის სატუმბო სადგურების დროებითი ავარიული გაჩერება და წყალმომარაგების შეზღუდვა. ამის შესახებ ინფორმაციას „ჯორჯიან უოთერ ენდ ფაუერი“ ავრცელებს.
„აღნიშნულთან დაკავშირებით წყალმომარაგება შეზღუდული აქვს ვაკე-საბურთალოს რაიონის ქუჩების ნაწილს: ლისი ვერანდას, ლისის, ნეკერჩხლის, იასამნების, მუხის, ბზის, ტირიფებისა და თუთის ქუჩებს.
მუხრან მაჭავარიანის, ოსეთის, ბერიტაშვილის ქუჩებს. ამაშუკელის, მერი დავითაშვილის, ვარდენ წულუკიძის, გაზაფხულის და ნუცუბიძის ქუჩის ნაწილს. ნოშრევან ჯიშკარიანის ქუჩას შესახვევებით. ომარ ფურცელიანის, ექვთიმე მთაწმინდელის და დავით ართმელიძის ქუჩებს.
წყალმომარაგების აღდგენის შესახებ ინფორმაციას კომპანია დამატებით გაავრცელებს“, - ნათქვამია ინფორმაციაში.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
