აშშ-ის ყოფილი ვიცე-პრეზიდენტის ჯო ბაიდენის თქმით, დროა დონალდ ტრამპი ბუნკერიდან გამოვიდეს და საკუთარ ქმედებებს შეხედოს.
ბაიდენის თქმით, პრეზიდენტი ტრამპი ქვეყნის წინაშე არსებულ ურთულეს გამოწვევას ვერ აცნობიერებს.
„ჩვენს ქვეყანაში ისეთი სასტიკი გამოწვევებია, როგორიც არასდროს ყოფილა, დონალდ ტრამპი კი საკუთარ თავს ტაშს უკრავს. ჩემი აზრით, მას წარმოდგენაც არ აქვს, რეალურად რა ხდება ამ ქვეყანაში. წარმოდგენა არ აქვს იმ ტკივილის სიღრმეზე, რომელსაც ამდენი ადამიანი განიცდის. დროა, საკუთარი ბუნკერიდან გამოვიდეს და საკუთარი სიტყვებისა და ქმედებების შედეგებს შეხედოს,“- განაცხადა ჯო ბაიდენმა.