,
ჯანდაცვის მსოფლიო ორგანიზაციის წარმომადგენლის, მარია ვან კერხოვეს განცხადებით, მსოფლიოში ჯერ კიდევ არის ვირუსის გავრცელების ცხელი წერტილები, რაც შეშფოთებას იწვევს.
CNN-ის ეთერში სიტყვით გამოსვლისას მარია ვან კერხოვემ აღნიშნა, რომ რუსეთში, აფრიკაში, ჩრდილოეთ და სამხრეთ ამერიკაში, სამხრეთ აზიისა და ევროპის რიგ ქვეყნებში კვლავ შეინიშნება კორონავირუსით ინფიცირების შემთხვევების ზრდა.
„ძალიან შეშფოთებულნი ვართ ამ ფაქტით, ვინაიდან ამ ვირუსს ძალიან სწრაფად გავრცელების უნარი აქვს. ჩვენ უკვე ვიხილეთ, თუ რა გავლენას ახდენს ეს ვირუსი მოსახლეობის მოწყვლად ნაწილზე. ეს ფაქტი ძალიან შემაშფოთებელია“, - განაცხადა ჯანმოს წარმომადგენელმა.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
