,
"ტვ პირველის" ინფორმაციით, ბიძინა ივანიშვილი თბილისში, ბერი გაბრიელ სალოსის გამზირზე მინი ქალაქის აშენებას გეგმავს. ტერიტორიას დიდი პროექტისთვის უკვე ამზადებენ. კომპანია ,,ელიტა ბურჯმა" მიიღო დავალება, რომ გაბრიელ სალოსზე მდებარე ქარხნების ადგილზე კორპუსები აშენდეს.
2500 საცხოვრებელი სახლი, 2500 ავტოსადგომით - სამრეწველო ზონა მალე ქაოტური მშენებლობების მოედნად გადაიქცევა.
პირველი გადაწყვეტილება თბილისის მუნიციპალიტეტმა უკვე მიიღო და განაშენიანების გეგმა დაამტკიცა.
დასავლეთ ინდონეზიაში მატარებლების შეჯახების შედეგად სულ მცირე 14 ადამიანი დაიღუპა, ხოლო კიდევ 84 დაშავდა, - ინფორმაციას Sky News-ი ავრცელებს.
გამოცემის ცნობით, სამგზავრო მატარებლისა და შორ მანძილზე მოძრავი სამგზავრო მატარებლის შეჯახება ბეკასიში მოხდა, რომელიც ქვეყნის დედაქალაქისა და მსოფლიოში ყველაზე მჭიდროდ დასახლებული ქალაქის, ჯაკარტას აღმოსავლეთით მდებარეობს.
ქვეყნის სამძებრო-სამაშველო სააგენტოს ხელმძღვანელმა, მოჰამედ სიაფიიმ, პრესკონფერენციაზე განაცხადა, რომ სამაშველო ოპერაცია გრძელდება და რომ დამტვრეული ვაგონებიდან გადარჩენილების გამოყვანა დელიკატური პროცესია.
