,
შეტაკებების შედეგად ისრაელმა 400-ზე მეტი პალესტინელი მებრძოლია მოკლა. ამის შესახებ ისრაელის თავდაცვის ძალების სპიკერმა დანიელ ჰაგარიმ განაცხადა.
მისი ცნობით, ისრაელმა 400-ზე მეტი პალესტინელი მებრძოლი მოკლა სამხრეთ ისრაელსა და ღაზას სექტორში, ხოლო რამდენიმე ათეული ტყვედ აიყვანა.
"ამ საათისთვის სამხედროები კფარ აზაში იბრძვიან, ბევრ ქალაქში ძებნა მიმდინარეობს. ისრაელის თავდაცვის ძალები ყველა ქალაქში არიან, არ არის ქალაქი, რომელშიც ისრაელის თავდაცვის ძალები არ იმყოფებიან", - განაცხადა ჰაგარიმ.
7 ოქტომბერს გამთენიისას, პალესტინის მოძრაობა „ჰამასმა“ ისრაელზე ბოლო წლებში ყველაზე მასშტაბური თავდასხმა განახორციელა. თავის მხრივ, ისრაელმა ღაზაზე საჰაერო დარტყმების საპასუხო ტალღა დაიწყო. ორივე მხარე ასობით დაშავებულისა და დაღუპულის შესახებ იუწყება. არსებული ცნობებით, "ჰამასმა" აიყვანა მძევლები და ომის ტყეები. ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ქვეყანა "გრძელვადიან, რთულ ომში" შედის, რომელიც "ჰამასის" თავდასხმით არის გამოწვეული და გაიმარჯვებს.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
