ისნის რაიონში, აწყურის ქუჩის სრული რეაბილიტაცია დაიწყო.
სარეაბილიტაციო სამუშაოები აწყურის ქუჩაზე, ლეხ კაჩინსკის ქუჩიდან, ვაჟა ჩაჩავას ქუჩამდე მონაკვეთში მიმდინარეობს.
ამჟამად, წყალმომარაგების და წყალარინების ცენტრალური ქსელები იცვლება. ასევე, განახლდება გაზმომარაგების ქსელი. ხოლო, მომდევნო ეტაპზე, დაიწყება სანიაღვრე ქსელის მოწყობა და საგზაო სამუშაოები.
საჰაერო სადენების გადატანა მოხდება სპეციალურ მიწისქვეშა კაბელ-არხებში.
ახალი გარე განათების ქსელი მოეწყობა და LED სანათები დამონტაჟდება.
ფეხით მოსიარულეებისთვის ტროტუარები მოეწყობა, გზის სავალ ნაწილზე ასფალტის ახალი საფარი დაიგება, ზებრა-გადასასვლელები დაიხაზება და საპარკინგე სივრცეები მოეწყობა.
ქუჩაზე ინფრასტრუქტურა ადაპტირდება შშმ პირებისთვის.
სამუშაოებისთვის დედაქალაქის ბიუჯეტიდან 5 მლნ ლარია გათვალიაწინებული.
პროექტი მიმდინარე წლის ზაფხულის ბოლომდე დასრულდება.
.jpg)
