,
ეს იყო აშკარად ქვეყნის ღალატის გამოხატული შემთხვევა, თუმცა ღალატი ამ ადამიანებისგან ჩვენ არ გვიკვირს, - ამის შესახებ საპარლამენტო უმრავლესობის ლიდერმა, „ქართული ოცნების“ თავმჯდომარემ, ირაკლი კობახიძემ განაცხადა, რითაც გარეჯის საქმის შესახებ დასმულ კითხვას უპასუხა.
„საზოგადოებამ იცის გარეჯის საქმის დეტალები. რეალურად ეს იყო აშკარად ქვეყნის ღალატის გამოხატული შემთხვევა, თუმცა ღალატი ამ ადამიანებისგან ჩვენ არ გვიკვირს. ბევრად უარესი რამ გააკეთეს თავის დროზე, როცა ქვეყნის ტერიტორიების 20% ჩააბარეს რუსეთს. ამ ფონზე გარეჯთან დაკავშირებული ღალატი შეიძლება უფრო ნაკლები მნიშვნელობისაც კი იყოს, ხატოვნად რომ ვთქვათ, მაგრამ ღალატი არის ღალატი“, - აცხადებს კობახიძე.
„დავით გარეჯის საქმეზე“ ივერი მელაშვილსა და ნატალია ილიჩოვას საქართველოს ინტერესების საწინააღმდეგოდ ქმედება ედებათ ბრალად. ბრალის დამტკიცების შემთხვევაში, მათ 9-დან 12 წლამდე პატიმრობა ემუქრებათ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
