ანალიტიკოსი ირაკლი გოგავა აშშ-ში მიმდინარე შიდაპარტიული არჩევნების შედეგებზე, საკუთარ ფეისბუკის გვერდზე წერს

"-აშშ-ში გუშინ "სუპერ სამშაბათი" იყო. ამ დროს 14 შტატში საპრეზიდენტო კანდიდატების შიდაპარტიული არჩევენები ანუ "პრაიმარიზი" იმართება.

ამ დროისთვის ხმები ბოლომდე დათვლილი არ არის, მაგრამ უკვე შეიძლება ითქვას, რომ ჯო ბაიდენი "მკვდრეთით აღდგა" და 8 შტატი მოიგო. მაიკლ ბლუმბერგმა (ფლობს $64 მილიარდის ქონებას), მიუხედავად პიარზე დახარჯული $700 მილიონისა, მხოლოდ ოკეანეთში მიკარგული ამერიკული სამოა მოიგო.

ბერნი სანდერსმა 3 შტატი მოიგო. კალიფორნიაში, ტეხასში და მეინის შტატში ხმებს კვლავ ითვლიან, თუმცა კალიფორნიაში, სადაც ამ დროისთვის 77% უკვე დათვალეს სანდერსი ბაიდენს 10%-ით უსწრებს. კალიფორნიას კი საარჩევნო დელეგატების ყველაზე დიდი რაოდენობა ყავს.

ტეხასში, სადაც 86% არის დათვლილი ბაიდენი 3%-ით უსწრებს სანდერსს. ეს ორი შტატი ამ ეტაპის გამარჯვებულის ბედს გადაწყვეტს.

უკვე შეიძლება ითქვას, რომ "სუპერ სამშაბათმა" გამოკვეთა დემოკრატიული პარტიის ორი ლიდერი კანდიდატი: 77 წლის ჯო ბაიდენი თუ 78 წლის ბერნი სანდერსი. "საუკუნის ლუზერის" პრიზი კი აშკარად დაიმსახურა მაიკლ ბლუმბერგმა, რომელმაც $700 მილიონი "ტრულაილასავით" გაისროლა."