,
საქართველოს პრემიერ-მინისტრის, ირაკლი ღარიბაშვილის განცხადებით, ხელისუფლება მზადაა, დიალოგი კონსტუქციულ რეჟიმში განაგრძოს.
როგორც ღარიბაშვილმა მთავრობის სხდომაზე განაცხადა, მმართველი გუნდი სრულად იზიარებს ევროპული საბჭოს რეკომენდაციებსა, რომ პოლიტიკურმა მხარეებმა რაც შეიძლება მოკლე დროში გამონახონ საერთო ენა. რაც შეეხება ევროპული საბჭოს პრეზიდენტის შარლ მიშელის სპეციალური წარმომადგენლის კრისტიან დანიელსონის საქართველოში ვიზიტს, პრემიერის შეფასებით, მოლაპარაკებების პროცესში მისი ჩართულობა პროცესების კონსტრუქციულად წარმართვას შეუწყობს ხელს.
„15-17 მარტს მივემგაზავრებით ბრიუსელში, რომლის ფარგლებში დაგეგმილი გავქვს მაღალი დონის შეხვედრები როგორც ევროკომისიაში, ასევე ევროპულ საბჭოში და ნატო-ში. 16 მარტს გაიმართება საქართველო-ევროკავშირის ასოცირების საბჭოს რიგით მე-6 სხდომა, რომელზეც წარმოვაჩენთ საქართველოს ევროინტეგრაციის გზაზე ჩვენი ქვეყნის მნიშვნელოვან პროგრესსა და წინსვლას არაერთი მიმართულებით რეფორმების განხორცელების საქმეში. ასევე მადლობა მინდა გადავუხადო ევროპული საბჭოს პრეზიდენტს შარლ მიშელს და აღვნიშნო, რომ დიდად ვაფასებთ მის მხარდაჭერას ჩვენი ქვეყნის მიმართ.
რაც შეეხება პრეზიდენტ მიშელის სპეციალურ წარმომადგენელის ბატონ კრისტიან დანიელსონის ვიზიტს საქართველოში, მივესალმებით მის ჩამოსვლას და ევროკავშირის მიერ მხარდაჭერილ პოლიტიკურ დიალოგში მონაწილეობას. დარწმუნებული ვართ, მისი მონაწილეობა პროცესების კონსტრუქციულად წარმართვას შეუწყობს ხელს. კიდევ ერთხელ მინდა ხაზი გავუსვა, რომ მზად ვართ, გავაგრძელოთ კონსტრუქციული დიალოგის რეჟიმი და სრულად ვიზიარებთ ევროპული საბჭოს რეკომენდაციებსა და რჩევას, რომ ხელისუფლებამ და ოპოზიციამ რაც შეიძლება მოკლე დროში გამოვნახოთ საერთო ენა და მივაღწიოთ შეთანხმებას იმისთვის, რომ პარლამენტმა ნორმალური მუშაობა დაიწყოს და ქვეყანა დაუბრუნდეს ნორმალურ პოლიტიკურ ცხოვრებას. ჩვენ ყველამ ერთად უნდა ვიხელმძღვანელოთ ქართველი ხალხის და სახელმწიფოს ინტერესებით“,- განაცხადა ღარიბაშვილმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
