,
ამერიკის შეერთებული შტატების საპრეზიდენტო არჩევნებში დონალდ ტრამპის გამარჯვების ფონზე, მსოფლიოს უმდიდრესი მეწარმის, ილონს მასკის ქონების შეფასება ერთ დღეში 26 მილიარდი დოლარით გაიზარდა.
ამჟამინდელი მონაცემებით, მასკის ქონების შეფასება 290 მილიარდ დოლარს აღწევს და ის თითქმის $62 მილიარდით ასწრებს მეორე ადგილზე მყოფ ჯეფ ბეზოსს.
მასკის ქონების ზრდა საფონდო ბირჟაზე Tesla-ს აქციების გაძვირებითაა განპირობებული, რომელსაც ერთ დღეში 15%-იანი ზრდა ჰქონდა. ყოველივე ეს, თავისი არსით, დაკავშირებულია იმ ფაქტთან, რომ მასკი აქტიურად იყო ჩართული ტრამპის საარჩევნო კამპანიაში და მისი სტრატეგიული პარტნიორის როლს ასრულებდა. ცხადია, ტრამპის გამარჯვება მასკის კომპანიის შეფასებაზე პოზიტიურად აისახა, რაც საკმაოდ მარტივად გასაგები მიზეზებითაა განპირობებული.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
