,
ჩრდილოატლანტიკური ალიანსი გააგრძელებს თურქეთის მხარდაჭერას სხვადასხვა საშუალებებით სირიაში არსებული ვითარების ფონზე. ამის შესახებ ალიანსის გენერალურმა მდივანმა იენს სტოლტენბერგმა ბრიუსელში, თურქეთის პრეზიდენტთან რეჯეფ თაიფ ერდოღანთან შეხვედრის შემდეგ, ბრიფინგზე განაცხადა.
„თურქეთი ალიანსის წევრია, რომელსაც ყველაზე ძლიერად შეეხო სირიაში ძალადობა. ალიანსის არც ერთი სხვა წევრი არ დაზარალებულა ტერორისტული თავდასხმების შედეგად და არც ერთი მათგანს არ განუთავსებია დევნილების დიდი ნაწილი თავის ტერიტორიაზე. ნატო გააგრძელებს თურქეთის მხარდაჭერას მთელი რიგი ზომებით. ეს მოიცავს დამცავ სარაკეტო სისტემებს, რომელიც თურქეთს დაეხმარება სირიიდან მომავალი საფრთხისგან“, - განაცხადა სტოლტენბერგმა.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
