,
რას გვირჩევენ ვარსკვლავები 7 სექტემბრისთვის:
ვერძი (21 მარტი - 20 აპრილი)
ამ დღეს საკუთარ ჯანმრთელობას განსაკუთრებული ყურადღება უნდა მიაქციოთ. გირჩევთ დაავადების პირველივე სიმპტომის გამოვლენისას ექიმს მიმართოთ. გაითვალისწინეთ, რომ უმნიშვნელო დისკომფორტიც კი შეიძლება მნიშვნელოვან დაავადებაზე მეტყველებდეს. უსარგებლო საუბრებში დრო რომ არ დაკარგოთ, განმარტოებით უნდა იმუშაოთ.
კურო (21 აპრილი - 21 მაისი)
ახალი დღე მოვლენებით დატვირთული და ნაყოფიერი იქნება. თუ არ იზარმაცებთ, შეიძლება რთული საქმე დაასრულოთ რომელიც მოსვენებას არ გაძლევთ. სიახლეებში ყურადღება მხოლოდ იმას მიაქციეთ, რაც მუშაობისთვის გჭირდებათ. იზრუნეთ პროფესიულ ზრდაზე და კარიერულ წინსვლაზე - ამას დიდი ხანია იმსახურებთ.
ტყუპები (22 მაისი - 21 ივნისი)
ახალი გარემოებების გამო ნერვიულობა მოგიწევთ. მოვლენებს ნუ აჩქარებთ, მიეცით საშუალება თქვენი ჩარევის გარეშე განვითარდეს და ახალი შესაძლებლობები შემოგთავაზოთ. სასურველი შედეგის მისაღებად საკმარისია ემოციები აკონტროლოთ და თქვენთვის მოსახერხებელ რეჟიმში იმუშაოთ.
კირჩხიბი (22 ივნისი - 22 ივლისი)
წინ რთული, ემოციურად მრავალფეროვანი დღე გელით. ყველა საქმის ერთდროულად კეთება მძიმე შეცდომებს გამოიწვევს. გრძნობებთან გამკლავება და მოვლენების ობიექტურად შეფასება გიჭირთ. სამომავლო გეგმების შედგენისთვის არახელსაყრელი დღეა - სავარაუდოდ, მათი შეცვლა მოგიწევთ.
ლომი (23 ივლისი - 23 აგვისტო)
დაძაბული მუშაობისა და აქტიურობისთვის არახელსაყრელი დღეა. ეცადეთ უბრალოდ მოდუნდეთ და ეს დღე მშვიდად გაატაროთ. ზედმეტი ფიზიკური ან ემოციური დატვირთვა, შეიძლება საზიანო იყოს თქვენი ჯანმრთელობისთვის. არ არის გამორიცხული, რომ საყვარელ ადამიანს უმიზეზოდ ეჩხუბოთ და შეურაცხყოთ, ამიტომ ეცადეთ განმარტოვდეთ და ემოციები აკონტროლოთ.
ქალწული (24 აგვისტო - 23 სექტემბერი)
შეცდომებისა და იმედგაცრუების თავიდან ასაცილებლად, გირჩევთ ამ დღეს რისკზე უარი თქვათ, მხოლოდ კარგად ნაცნობი საქმეები აკეთოთ და სამსახურში ყოველგვარ რისკს მოერიდოთ. მნიშვნელოვანი საქმეების კეთება უმჯობესია სხვა დღეს გადაიტანოთ. ეს რჩევა როგორც პროფესიულ საქმიანობას, ისე პირად ურთიერთობებს ეხება.
სასწორი (24 სექტემბერი - 23 ოქტომბერი)
ამ დღეს ენერგიით სავსე ხართ, მთავარია, მისთვის სწორი მიმართულების მიცემა შეძლოთ. გირჩევთ პირად ურთიერთობებს მეტი ყურადღება მიაქციოთ და მათში ჰარმონია და ურთიერთპატივისცემა შეინარჩუნოთ. სამსახურში ყველაზე მეტად კონფლიქტებს უნდა მოერიდოთ და კოლეგების მიმართ მეტი პატივისცემა გამოიჩინოთ.
მორიელი (24 ოქტომბერი - 22 ნოემბერი)
ეცადეთ დილიდან პოზიტიურად განეწყოთ. ინტუიცია რთული ვითარებიდან გამოსავალს გიკარნახებთ და უნდა დაუჯეროთ. თქვენს ცხოვრებაში ბევრი ძველი და უსარგებლო რამ დაგროვდა, დროა მათგან გათავისუფლდეთ. პირადი სივრცის გასუფთავება ახალ შესაძლებლობებს შემოგთავაზებთ.
მშვილდოსანი (23 ნოემბერი - 21 დეკემბერი)
ვარსკვლავები გირჩევენ ამ დღეს უფრო შემართული და პრინციპული იყოთ. ნუ დათანხმდებით იმას, რაც არ მოგწონთ. გამორიცხული არ არის, რომ ჯანმრთელობასთან დაკავშირებული პრობლემები შეგექმნათ, ამიტომ ეცადეთ ხშირად დაისვენოთ და საჭირო მედიკამენტები მიიღოთ.
თხის რქა (22 დეკემბერი - 20 იანვარი)
თავს დილიდან გაღიზიანებულად გრძნობთ და ნებისმიერ წვრილმანს წყობიდან გამოჰყავხართ. გირჩევთ მომხდარი გულთან ახლოს არ მიიტანოთ და უსიამოვნო ადამიანებისგან თავი შორს დაიჭიროთ. ეცადეთ პირად ურთიერთობებში მეტი თავშეკავება გამოიჩინოთ და საკუთარი აზრი თავზე არავის მოახვიოთ. წინააღმდეგ შემთხვევაში შეიძლება საყვარელი ადამიანი ძალიან გაანაწყენოთ.
მერწყული (21 იანვარი - 18 თებერვალი)
მშვიდი და ნაყოფიერი დღეა. გირჩევთ ზედმეტ აქტიურობას მოერიდოთ და ძველი საქმეების დროულად დასრულებაზე იზრუნოთ. რაც შეეხება ახალ პროექტებს, მათი განხორციელების დრო მალე მოვა. მანამდე რამდენიმე დღე გაქვთ, რომელიც გამოჯანმრთელებისა და ძალების აღდგენისთვის უნდა გამოიყენოთ.
თევზები (19 თებერვალი - 20 მარტი)
სიახლეებმა, რომლებსაც დღეს მიიღებთ, შეიძლება წყობიდან გამოგიყვანოთ, თუმცა ისინი შეიძლება მოტივაციად იქცნენ და ახალი მიზნები დაგისახოთ. გახსოვდეთ, რომ გამოუვალი ვითარება არ არსებობს, ხოლო სირთულეები ხშირად ახალ შესაძლებლობებს გვთავაზობს. ეცადეთ პირად ურთიერთობებში მეტი მზრუნველობა და ყურადღება გამოიჩინოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
