,
ვერძი (21 მარტი - 20 აპრილი)
მოემზადეთ ემოციურად არასტაბილური დღისთვის, როდესაც გეგმები მუდმივად უნდა ცვალოთ. განწყობაც ცვალებადია, ამიტომ კარგად დაფიქრდით, სანამ რამეს იტყვით, რათა ვინმეს უნებურად გული არ ატკინოთ. პირად ურთიერთობებში მოსალოდნელია დაძაბულობა, თუმცა ეს დროებით სირთულეებია და მალე თავისთავად მოგვარდება.
კურო (21 აპრილი - 21 მაისი)
რთული და კონფლიქტური დღეა. ეცადეთ, გარშემო მყოფებთან კამათს მოერიდოთ და განმარტოვდეთ. უმჯობესია, არაფრისმომცემი კამათის ნაცვლად, დრო საყვარელი საქმის კეთებაში დახარჯოთ - დღეს შეიძლება რაღაც ღირებული შექმნათ.
ტყუპები (22 მაისი - 21 ივნისი)
მეტი დრო დაუთმეთ საქმეს, რომელიც მოგწონთ და სიხარულს განიჭებთ. ფიზიკური აქტივობა დაგეხმარებათ, რომ ბოლო დღეების დაძაბულობისგან გათავისუფლდეთ. უმჯობესია, რომ ეს დღე მარტოობაში გაატაროთ და ახალი გეგმები დასახვაზე იფიქროთ.
.კირჩხიბი (22 ივნისი - 22 ივლისი)
ეს დღე საყვარელ გატაცებას უნდა დაუთმოთ. გარდა იმისა, რომ ეს ემოციური სტრესის მოხსნაში დაგეხმარებათ, შესაძლოა, შთაგონებაც გეწვიოთ და რაღაც გამორჩეული შექმნათ. დახმარების თხოვნაზე უარს ნურავის ეტყვით - შესაძლოა, მალე ანალოგიურ მდგომარეობაში თავად აღმოჩნდეთ.
ლომი (23 ივლისი - 23 აგვისტო)
ამ დღეს ფიზიკურ მუშაობას უნდა მოერიდოთ, რადგან ტრავმის მიღების რისკი საკმაოდ მაღალია. გარშემო მყოფებს თქვენი ხალისიანი განწყობა და პოზიტივი იზიდავს, ამიტომ თქვენ გარშემო ყოველთვის უამრავი ადამიანია. საინტერესო ნაცნობობას, თუ მოინდომებთ, ხანგრძლივი ურთიერთობა მოჰყვება. მთავარია, დაუფიქრებელი სიტყვით საქმე არ გააფუჭოთ.
ქალწული (24 აგვისტო - 23 სექტემბერი)
შეიძლება, დაპირისპირებულ მხარეებს შორის შუამავლისა და მომრიგებლის როლი შეასრულოთ. ვითარება თქვენ გარშემო იდეალურისგან შორსაა - გარშემო მყოფები, მათ შორის, ახლობლები შეიძლება ერთმანეთს დაუპირისპირდნენ. ეცდებით, გაუგებრობა აღმოფხვრათ, თუმცა ეს ადვილი არ იქნება.
სასწორი (24 სექტემბერი - 23 ოქტომბერი)
მალე თქვენს ცხოვრებაში ცვლილებების და ახალი შესაძლებლობების დრო დადგება, რაც დიდ ენერგიას და სწრაფ რეაქციას მოითხოვს. ეცადეთ, ეს დღე დასვენებისა და ძალების აღდგენისთვის გამოიყენო. შესაძლოა, საინტერესო იდეებიც გეწვიოთ და რომ არ დაგავიწყდეთ, უნდა ჩაიწეროთ.
მორიელი (24 ოქტომბერი - 22 ნოემბერი)
დაპირებების შესრულებისა და ვალების დაბრუნების დღეა. სავარაუდოდ, ახლობელი ადამიანი დახმარებისთვის მოგმართავთ და მისი პრობლემების მოგვარება დიდ დროს წაგართმევთ. ყურადღება მიაქციეთ წვრილმანებს და მინიშნებებს, რომლებსაც კოსმოსი გიგზავნით.
მშვილდოსანი (23 ნოემბერი - 21 დეკემბერი)
ამ დღეს შეიძლება ცხოვრებაში დაშვებული ყველა შეცდომა და მისი შედეგი ერთად გაიხსენოთ. გამორიცხული არ არის, რომ სიტუაცია განმეორდეს, რაც დეჟავიუს განცდას გამოიწვევს. გახსოვდეთ, რომ ახალი შეცდომების თავიდან აცილება მხოლოდ ძველ გამოცდილებას შეუძლია, ამიტომ შეცდომებზე თვალი არ უნდა დახუჭოთ.
თხის რქა (22 დეკემბერი - 20 იანვარი)
თქვენი კეთილდღეობა და ფინანსური მდგომარეობა იმაზეა დამოკიდებულია, თუ რა ემოციები ჭარბობს დღეს თქვენში. კარგი იქნება, თუკი ემოციურ განტვირთვას მოახერხებთ და დღეს კამათის გარეშე გაატარებთ. ვიღაცას თქვენი წარმატების შურს? გაიღიმეთ და დაივიწყეთ - ეს მისი პრობლემებია.
მერწყული (21 იანვარი - 18 თებერვალი)
შესაძლოა, ვიღაცამ სარისკო საქმიანობაში თქვენი ჩათრევა მოახერხოს. ფრთხილად იყავით, რომ მოვლენები თქვენ საწინააღმდეგოდ არ შემობრუნდეს. პირად ურთიერთობებში მოსალოდნელია კამათი და გაუგებრობა. თუ არ გსურთ, რომ საყვარელ ადამიანთან ურთიერთობა გაიფუჭოთ, მისი თხოვნა უნდა გაითვალისწინოთ.
თევზები (19 თებერვალი - 20 მარტი)
ამ დღეს მხოლოდ უნდა აკეთოთ, რაც სიხარულს და სიამოვნებას მოგანიჭებთ. თუ ვიღაც თქვენს ცხოვრებაში ჩარევას და თქვენით მანიპულირებას ცდილობს, გულწრფელად უნდა ესაუბროთ და მიახვედროთ, რომ მიზანს ვერასოდეს მიაღწევს.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
