ბრიტანულმა გაზეთმა „გარდიანმა“ (The Guardian) გამოაქვეყნა სტატია სათაურით „წყვილმა სასამართლოს მეშვეობით კომპენსაცია მიიღო ლონდონში სახლის ყიდვისათვის, რომელიც ჩრჩილებით სავსე აღმოჩნდა“ (ავტორი - ბადინ ბადშაჰი).

გთავაზობთ პუბლიკაციას მცირე შემოკლებით:

ქართველი მილიარდერის ქალიშვილს და მის ქმარს ფული დაუბრუნდათ მას შემდეგ, რაც მათ 32 მილიონ გირვანქა სტერლინგად ლონდონში სახლი იყიდეს, რომელიც ჩრჩილით იყო სავსე.

ია პატარკაციშვილმა და დოქტორმა ევგენი ხუნიაკმა ნოთინგ-ჰილში ვიქტორიანული სტილით აგებული სახლი, შვიდი საძინებელი ოთახით, 2019 წლის მაისში იყიდეს. მასში იყო აუზი, სპა-სალონი, სავარჯიშო დარბაზი, ღვინის სარდაფი, ბიბლიოთეკა, კინოთეატრი და „მხვრინავთა ოთახი“, რომელიც მშვიდი ძილის დამაფრთხობლებისათვის არის განკუთვნილი.

სახლში საცხოვრებლად გასავლიდან რამდენიმე დღის შემდეგ ცოლ-ქმარმა შენიშნეს, რომ სახლი ბევრი ჩრჩილის პეპელა ბუდობს, რომლებიც ტანსაცმლის დაზიანებასა და სასმელ-საჭმლოს გაფუწებას იწვევენ. მათ სარჩელი სეიტანის ადგილობრივ სასამართლოში სახლის გამყიდველ უილიამ ვუდვორდ-ფიშერის წინააღმდეგ და მოითხოვეს გადახდილი ფულის უკან დაბრუნება.

ევგენი ჰუნიაკმა, რომელიც ჩელსში ბავშვთა სტომატოლოგად მუშაობს, მოსამართლეს უთხრა, რომ პეპლები სხდებოდნენ კბილის ჯაგრისებზე, მაგიდის ჭურჭელზე, სასმელის ჭიქებსა და ბოკალებზე, ხშირად ბავშვების საჭმელზეც კი.

ორშაბათს მოსამართლე ჯასტის ფენკორტმა დაადგინა, რომ შენობის ადრინდელმა მფლობელმა და გამყიდველმა უილიამ ვუდვორდ-ფიშერმა მყიდველები მოატყუა და ნამდვილი მონაცემები არ გადასცა სახლის მდგომარეობის თაობაზე, თუმცა იქვე აღნიშნა, რომ მყიდველებმა სახლი ყიდვის წინ რამდენჯერმე დაათვალიერეს.

უილიამ ვუდვორდ-ფიშერის ადვიკატმა ჯონ მაგკმა განაცხადა, რომ სახლის გამყიდველს მყიდველის მოტყუება განზრახული არ ჰქონია. იგი თვითონაც ხოცავდა მწერებს და ეგონა, რომ მთლიანად მოსპო.

ამასთან, მოსამართლე ჯასტის ფანკორტის თქმით, უილიამ ვუდვორდ-ფიშერს, რომელიც ადრე დიდი ბრიტანეთის მონიჩბეთა ნაკრები გუნდის წევრი იყო, განგებ არ მოუტყუებია მყიდველები, არ უთაღლითია, იგი თვითონაც წარმატებით ებრძოდა ჩრჩილის პეპლებს და თითქმის გაანადგურა კიდეც (დღეში ასზე მეტს ხოცავდა). მას, უბრალოდ, სახლის სწრაფად გაყიდვა სურდა. მან იცოდა, რომ შესაძლოა სიმართლე გამჟღავნებულიყო, მაგრამ რისკზე წავიდა, თუმცა შეცდომა დაუშვა.

მოსამართლის გადაწყვეტილებით, უილიამ ვუდვორდ-ფიშერმა თანხა 32,5 მილიონი გირვანქა სტერლინგი უკან უნდა დაუბრუნოს ევგენი ჰუნიაკს, მან ასევე უნდა გადაიხადოს კომპენსაციის სახით 4 მილიონი გირქვანქა სტერლინგი ტანსაცმლის დაზიანების და სხვადასხვა გადასახადების ასანაზღაურებლად.

ადვიკატ კრის უებებრის თქმით, რომელიც ცოლ-ქმრის ინტერესების წარმომადგენელია, ეს საქმე გაკვეთილი და გაფრთხილება უნდა იყოს არაკეთილსინდისიერი ბინის მფლობელებისათვის, რომლებიც მყიდველების ნდობით ისარგებლებენ და დეფექტებს დამალავენ“.

როგორც სასამრთლოს სხდომაზე გახდა ცნობილი, უილიამ ვუდვორდ-ფიშერმა, თავის ცოლთან, დიზაინერ კერისთან ერთად სახლი 2011 წელს იყიდა და გაარემონტა, მისი რეკონსტრუქცია მოახდინა, სანამ იგი შენობას ქართველი მილიონერ-ბიზნესმენის მემკვიდრეს მიყიდა.

ია პატარკაციშვილი ქართველი მილიარდერის, ბიზნესმენ ბადრი პატარკაციშვილის ქალიშვილია, რომელიც რუსეთის პრეზიდენტს ვლადიმერ პუტინს დაუპირისპირდა, დიდ ბრიტანეთში საცხოვრებლად გადასვლის წინ, 2000 წელს. იგი გულის შეტევით გარდაიცვალა 2008 წელს.