,
ყველასთვის საყვარელი ჰარი პოტერის ავტორმა ჯოან როულინგმა, ტვიტერის საკუთარ გვერძე რამნდენიმე მწვავე პოსტი გამოაქვეყნა. მწერლის გაღიზიანება სოც.ქსელის იმ მომხმარებლებმა გამოიწვიეს, რომლებიც ადამიანებს აკრიტიკებენ იმის გამო, რომ კარანტინის პერიოდში ახალი ცოდნისა და უნარების შეძენაზე არ ფიქრობენ. „უმჯობესია, Life Coach-ებმა შეწყვიტონ იმ ადამიანთა კრიტიკა, რომლებიც კარანტინის პირობებში ახალ ცოდნასა და უნარებს ვერ იღებენ/ახალ ბრენდს ვერ ქმნიან. ხშირად ადამიანები ისეთი გამოწვევების წინაშე დგანან, რომლებზეც სხვებს წარმოდგენა რთულია რომ ჰქონდეთ. ზოგჯერ კონკრეტული გამოწვევების გადალახვა საკმარსზე მეტი მიღწევაა, ვიდრე ახალი ცოდნის შეძენა" „იმის მტკიცება, რომ თუ ადამიანი ყოველდღიურად რაღაც ახალს არ ქმნის, მაშინ ზარმაცი დემოტივირებულია, არ იწვევს მის შთაგონებას და მოტივირებას, პირიქით, ეს ადამიანის დამცირების ფორმაა. დაუსრულებელი კრიტიკა რომ დეპრესიას კურნავდეს, მდიდარი ადამიანები და „ვორქაჰოლიკები“ თავს არ მოიკლავდნენ შრომით. სევდა და შფოთვა არ არის ადამიანის სისუსტე, ეს მისი ბუნებრივი რეაქციაა სირთულეებისა და საფრთხის მიმართ.“ „ფსიქიკური ჯანმრთელობის დასაბრუნებლად საუკეთესო გზაა ვაღიაროთ, რასაც ვგრძნობთ და დავინახოთ მისი მიზეზები. ნუ გავაკრიტიკებთ საკუთარი თავს იმისთვის, რომ ზებუნებრივები არ ვართ და უამრავი სისუსტე გვაქვს“
წყარო: insource
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
