,
ჰარი პოტერის ფანებს ჰოგვორტსში (ჯადოქრების სკოლა ჯოან როულინგის რომანების სერიიდან „ჰარი პოტერი“) ჩასვლის და ცხოვრების შანსი გაუჩნდათ.
ინგლისში იყიდება შენობა, სადაც ფილმის სერიები გადაიღეს. ამის შესახებ Mansion Global წერს. სახლის ფართი 210 კვადრატული მეტრია და ლონდონიდან ჩრდილო-აღმოსავლეთით 24 კილომეტრში მდებარეობს.
შენობაში არის ოთხი საძინებელი, ორი საკონფერენციო დარბაზი. უძრავი ქონების ფასი 1,1 მილიონი ფუნტია. ($1,35 მილიონი) შენობა 1903 წელს არის აგებული და კულტურული მემკვიდრეობის ნუსხაშია.
ადრე ამ შენობაში ვაჟთა სკოლა მდებარეობდა, 2010 წელს კი შენობა საცხოვრებელ სახლად გადაკეთდა.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
