გლდანში, „ბინათმესაკუთრეთა ამხანაგობის განვითარების ხელშეწყობის“ პროგრამის ფარგლებში, სხვადასხვა პროექტის განხორციელება გრძელდება.
ამჯერად, წითელ ხაზებში არსებული წყალარინების შიდა და გარე ქსელის რეაბილიტაცია 31 მისამართზე დასრულდა. ერთ მისამართზე კი მიმდინარეობს.
წყალარინების შიდა და გარე ქსელი გლდანულაში N7 კორპუსში ხუთივე სადარბაზოში, დაახლოებით, 280 გრძივ მეტრზე იცვლება. აღნიშნულისთვის 46 840 ლარი არის გათვალისწინებული.
მიმდინარე სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე ადგილზე გაეცნო.
