გლდანის რაიონში ინფრასტრუქტურული სამუშაოები აქტიურად მიმდინარეობს. მოსასვენებელი სივრცეების მოწყობასა და სკამების განთავსებასთან ერთად, სკვერებში დაზიანებული ინვენტარის აღდგენის სამუშაოებიც ხორციელდება.
ახლდება და იღებება სკამები, იცვლება დაზიანებული საქანელები და ნაგვის ურნები, ასევე, საჭიროებისამებრ, საპარკე ინფრასტრუქტურა. ამ ეტაპზე, ჯამში, მსგავსი ტიპის სამუშაოები 43 მისამართზე განხორციელდა, 19 მისამართზე კი მიმდინარეობს.
ასევე, მოსახლეობის მოთხოვნით, ფანჩატურების მოწყობა ოთხ მისამართზე დასრულდა, 2 მისამართზე კი მიმდინარეობს. სხვადასხვა ლოკაციაზე უკვე დამონტაჟდა 60 სკამი, ამ რიცხვს კიდევ 20 ცალი დაემატება.
