გლდანის რაიონში, შოთა მიქატაძის ქუჩაზე საგზაო ინფრასტრუქტურის მოწყობა სრულდება.
აღნიშნულ მისამართზე კომპანია „ჯორჯიან უოთერ ენდ ფაუერმა“ მიწისქვეშა კომუნიკაციები უკვე მოაწესრიგა, რის შემდეგაც რაიონის გამგეობამ საგზაო სამუშაოები დაიწყო.
პროექტის ფარგლებში, 4 000 კვადრატულ მეტრ ფართობზე ასფალტის საფარი იგება, რისთვისაც გამგეობის ბიუჯეტიდან, დაახლოებით, 425 000 ლარი დაიხარჯება.
სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე გაეცნო.
