USD 2.7503
EUR 3.1249
RUB 3.3429
Tbilisi
გერმანიის ქართული სათვისტომო - გერმანია ემიგრანტებისთვის კანონმდებლობას ამკაცრებს. რას ითვალისწინებს ახალი წესები
Date:  817

გერმანია ემიგრანტებისთვის კანონმდებლობას ამკაცრებს. ქვეყანამ მიიღო არაერთი კანონი, რომლის საფუძველზეც, არალეგალურად მყოფ ყველა პირს დეპორტაცია ემუქრება. ასევე, სახელმწიფო არალეგალურად მყოფ პირებს დეპორტაციის შესახებ აღარ შეატყობინებს. 

Facebook-ჯგუფში "გერმანიის ქართული სათვისტომო" კანონმდებლობის შესახებ დეტალებს წერენ:

"გერმანიამ დღეს მთელი რიგი კანონები მიიღო. ქვეყანაში, ყველა არალეგალურად მყოფს დეპორტაცია ემუქრება.

დეპორტაციის შესახებ სახელმწიფო აღარ შეატყობინებს არალეგალურად მყოფს, რათა თავიდან აიცილოს გადამალვის ფაქტი. 

პოლიციას ეძლევა ბინის ჩხრეკის უფლება, ტელეფონის კონფისკაციის უფლება, ასევე არალეგალურად მყოფის ახლობლის ბინის ჩხრეკის უფლება და არალეგალურად მყოფის ძიების უფლება.

არალეგალურად მყოფი მოთავსდება სადეპორტაციო საკანში.

არალეგალურად მყოფი პირი, რომელიც კრიმინალური ბანდების წევრია, ყოველგვარი გასამართლების გარეშე გადეპორტდება. 

ისინი ვინც,თავის ვინაობასა და ეროვნებას მალავენ, ასევე გადეპორტებიან და ქვეყანაში ხელმეორედ შესვლა აეკრძალებათ.

იმ ადამიანებს კი რომლებმაც არალეგალურად ადამიანები გერმანიის ტერიტორიაზე შემოიყვანა. ერთწლიანი პატიმრობა,შემდეგ დეპორტი და სახელმწიფოში შემოსვლის აკრძალვა ემუქრებათ", - წერენ ემიგრანტები.

 

 

culture
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

See all
Survey
ვინ გაიმარჯვებს რუსეთ - უკრაინის ომში?
Vote
By the way